കൊച്ചി: കന്യാസ്ത്രീക്കെതിരെ മോശം പരാമർശം നടത്തിയതിന്റെ പേരിൽ നേരിട്ട് ഹാജരാകാൻ ദേശീയ വനിതാ കമ്മീഷൻ നൽകിയ നോട്ടീസിനെതിരെ സമർപ്പിച്ച ഹർജി പിസി ജോർജ് എംഎൽഎ പിൻവലിച്ചു. കമ്മീഷൻ മുൻപാകെ ഹാജരായി വിശദീകരണം നൽകിയശേഷം ഹർജി പരിഗണിക്കാമെന്ന നിലപാടാണ് ഹൈക്കോടതി ഹർജിയിൽ സ്വീകരിച്ചത്. തുടർന്നാണ് ഹർജി പിൻവലിച്ചത്.
ജലന്ധർ ബിഷപ്പ് ഫ്രാങ്കോ മുളയ്ക്കലിനെതിരെ ആരോപണം ഉന്നയിച്ച കന്യാസ്ത്രീക്കും ഇവർക്കൊപ്പമുള്ള മറ്റു കന്യാസ്ത്രീകൾക്കുമെതിരെ അപകീർത്തികരമായ പരാമർശം നടത്തിയെന്നാരോപിച്ചാണ് ദേശീയ വനിതാ കമ്മീഷൻ ജോർജിന് നോട്ടീസ് നൽകിയത്. ഈ മാസം 20 നാണ് ഹാജരാകേണ്ടത്. തനിക്ക് 17 നാണ് നോട്ടീസ് ലഭിച്ചതെന്നും ചുരുങ്ങിയ സമയത്തിനുള്ളിൽ നേരിട്ട് ഹാജരാകാൻ ബുദ്ധിമുട്ടുണ്ടെന്നും പിസി ജോർജ് ചൂണ്ടിക്കാട്ടിയിരുന്നു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ