കൊച്ചി : കന്യാസ്ത്രീയുടെ ലൈംഗിക പീഡന പരാതിയില് ബിഷപ്പ് ഫ്രാങ്കോ മുളയ്ക്കലിനെ അറസ്റ്റ് ചെയ്തു എന്ന വാര്ത്തകളോട് പ്രതികരിച്ച് അഡ്വ ജയശങ്കര്. മുന്കൂര് ജാമ്യാപേക്ഷയില് തീരുമാനം ഉണ്ടാകും വരെ കാത്തിരിക്കാന് പോലീസ് കൂട്ടാക്കിയില്ല; പരിശുദ്ധ ഫ്രാങ്കോ പുണ്യാളനെ അറസ്റ്റ് ചെയ്തു. ഹൈക്കോടതി ജങ്ഷനില് സത്യഗ്രഹം നടത്തിയ കന്യാസ്ത്രീകള്ക്കും അവര്ക്കു പിന്തുണ നല്കിയ കുലംകുത്തികളായ ചില വൈദികര്ക്കും കത്തോലിക്കാ തിരുസഭയെ അപഹസിക്കാനും അപകീര്ത്തിപ്പെടുത്താനും ഒരുമ്പിട്ട അല്പബുദ്ധികള്ക്കും സന്തോഷിക്കാം. ഫെയ്സ്ബുക്ക് പോസ്റ്റില് ജയശങ്കര് അഭിപ്രായപ്പെട്ടു.
പരിശുദ്ധ പിതാവിനെ സഹായിക്കാന് എന്ന വ്യാജേന അറസ്റ്റ് നീട്ടിക്കൊണ്ടു പോയി സഭയെ മൊത്തം നാറ്റിച്ച സര്ക്കാരിനും ഗൂഢമായി ആനന്ദിക്കാം. പക്ഷേ ഇതുകൊണ്ടൊന്നും കത്തോലിക്കാ സഭ തളരുകയില്ല, ഫ്രാങ്കോ പുണ്യാളനെ ചെന്നായ്ക്കള്ക്കു വിട്ടുകൊടുക്കുകയും ഇല്ല. സത്യത്തിനും നീതിക്കും വേണ്ടി പതറാതെ പോരാടും. സഭയെ ട്രോളി ജയശങ്കര് എഫ്ബി പോസ്റ്റില് പറഞ്ഞു.
ഫെയ്സ്ബുക്ക് പോസ്റ്റിന്റെ പൂര്ണരൂപം
മുന്കൂര് ജാമ്യാപേക്ഷയില് തീരുമാനം ഉണ്ടാകും വരെ കാത്തിരിക്കാന് പോലീസ് കൂട്ടാക്കിയില്ല; പരിശുദ്ധ ഫ്രാങ്കോ പുണ്യാളനെ അറസ്റ്റ് ചെയ്തു.
ഹൈക്കോടതി ജങ്ഷനില് സത്യഗ്രഹം നടത്തിയ കന്യാസ്ത്രീകള്ക്കും അവര്ക്കു പിന്തുണ നല്കിയ കുലംകുത്തികളായ ചില വൈദികര്ക്കും കത്തോലിക്കാ തിരുസഭയെ അപഹസിക്കാനും അപകീര്ത്തിപ്പെടുത്താനും ഒരുമ്പിട്ട അല്പബുദ്ധികള്ക്കും സന്തോഷിക്കാം.
പരിശുദ്ധ പിതാവിനെ സഹായിക്കാന് എന്ന വ്യാജേന അറസ്റ്റ് നീട്ടിക്കൊണ്ടു പോയി സഭയെ മൊത്തം നാറ്റിച്ച സര്ക്കാരിനും ഗൂഢമായി ആനന്ദിക്കാം.
പക്ഷേ ഇതുകൊണ്ടൊന്നും കത്തോലിക്കാ സഭ തളരുകയില്ല, ഫ്രാങ്കോ പുണ്യാളനെ ചെന്നായ്ക്കള്ക്കു വിട്ടുകൊടുക്കുകയും ഇല്ല. സത്യത്തിനും നീതിക്കും വേണ്ടി പതറാതെ പോരാടും.
സത്യമായും നിങ്ങള് എന്നില് വിശ്വസിക്കുന്നു എങ്കില് നിങ്ങള് സത്യം എന്തെന്ന് അറിയും, സത്യം നിങ്ങളെ സ്വതന്ത്രമാക്കും. (യോഹന്നാന് 8:32)
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ