ആലപ്പുഴ : ശക്തിയുള്ളവരുടെ മുന്നില് നിയമം വഴിമാറുക സ്വാഭാവികമെന്ന് എസ്എന്ഡിപി യോഗം ജനറല് സെക്രട്ടറി വെള്ളാപ്പള്ളി നടേശന്. ലൈംഗിക പീഡനക്കേസില് ബിഷപ്പ് ഫ്രാങ്കോ മുളയ്ക്കലിന്റെ അറസ്റ്റ് വൈകുന്നതിനെ കുറിച്ചുള്ള ചോദ്യങ്ങളോട് പ്രതികരിക്കുകയായിരുന്നു അദ്ദേഹം. സാധാരണക്കാരായിരുന്നു എങ്കില് പണ്ടേ അറസ്റ്റ് ചെയ്തേനെയെന്നും വെള്ളാപ്പള്ളി പറഞ്ഞു.
കന്യാസ്ത്രീകളുടെ സമരത്തെക്കുറിച്ച് എസ്എന്ഡിപി യോഗത്തിന് അഭിപ്രായമില്ലെന്നും വെള്ളാപ്പള്ളി പറഞ്ഞു. കന്യാസ്ത്രീ നല്കിയ പീഡന പരാതിയില് ബിഷപ്പ് ഫ്രാങ്കോ മുളയ്ക്കലിനെ ഇന്നും ചോദ്യം ചെയ്യുമെന്ന് പൊലീസ് അറിയിച്ചിട്ടുണ്ട്. ചോദ്യം ചെയ്യല് പൂര്ത്തിയായ ശേഷം മാത്രമേ അറസ്റ്റിന്റെ കാര്യത്തില് തീരുമാനം എടുക്കൂ എന്നാണ് കോട്ടയം എസ്പി ഹരിശങ്കര് വ്യക്തമാക്കിയത്.
അതേസമയം ബിഷപ്പിന്റെ മുന്കൂര് ജാമ്യാപേക്ഷ കോടതിയുടെ പരിഗണനയിലാണ് എന്നതുകൊണ്ട് അറസ്റ്റിന് നിയമതടസ്സമില്ലെന്ന് ഡയറക്ടര് ജനറല് ഓഫ് പ്രോസിക്യൂഷന്സ് ഓഫീസ് ഇന്നലെ എറണാകുളം റേഞ്ച് ഐജി വിജയ് സാഖറെയ്ക്ക് നിയമോപദേശം നല്കിയിരുന്നു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ