അവസാനവര്‍ഷ പരീക്ഷ എഴുതാന്‍ കഴിയുമോയെന്ന് ഭയം; മലയാളി ഐഐടി വിദ്യാര്‍ത്ഥി ജീവനൊടുക്കി 

മലയാളി ഐ.ഐ.ടി വിദ്യാര്‍ത്ഥിയെ ഹോസ്റ്റലില്‍ തൂങ്ങി മരിച്ച നിലയില്‍ കണ്ടെത്തി.
പ്രതീകാത്മക ചിത്രം
പ്രതീകാത്മക ചിത്രം

ചെന്നൈ: മലയാളി ഐ.ഐ.ടി വിദ്യാര്‍ത്ഥിയെ ഹോസ്റ്റലില്‍ തൂങ്ങി മരിച്ച നിലയില്‍ കണ്ടെത്തി. മദ്രാസ് ഐ.ഐ.ടിയിലെ അവസാന വര്‍ഷ ഓഷ്യന്‍ എന്‍ജിനീയറിങ് വിദ്യാര്‍ത്ഥിയും മലപ്പുറം സ്വദേശിയുമായ ഷാഹുല്‍ കോര്‍നാഥ് (23)ആണ് മരിച്ചത്. ഹോസ്റ്റല്‍ മുറിയുടെ സിലിങില്‍ തൂങ്ങിയ നിലയിലായിരുന്നു മൃതദേഹം കണ്ടത്. സംഭവത്തെ തുടര്‍ന്ന് പൊലീസ് സ്ഥലത്തെത്തി പരിശോധന നടത്തി.

ഷാഹുലിന്റെ മുറിയില്‍ നിന്ന് ആത്മഹത്യ കുറിപ്പൊന്നും കണ്ടെടുത്തിട്ടില്ലെന്ന് പൊലീസ് അറിയിച്ചു. അതേസമയം, ക്ലാസില്‍ അറ്റന്‍ഡന്‍സ് കുറഞ്ഞതിനെ തുടര്‍ന്ന് അവസാനവര്‍ഷ പരീക്ഷ എഴുതാന്‍ കഴിയുമോയെന്ന ഭയം ഷാഹുലിനെ സമ്മര്‍ദ്ദത്തിലാക്കിയിരുന്നെന്ന് സഹപാഠികള്‍ പൊലീസിനോട് പറഞ്ഞു. ഹാജര്‍ നിലയിലുളള കുറവിനെ കുറിച്ച് കോളേജ് അധികൃതര്‍ വിദ്യാര്‍ത്ഥിയുടെ രക്ഷിതാക്കളെ ധരിപ്പിച്ചിരുന്നു. ശനിയാഴ്ച രാവിലെ വാതില്‍ തുറക്കാതിരുന്നതിനെ തുടര്‍ന്ന് വിദ്യാര്‍ത്ഥികള്‍ കോളേജ് അധികൃതരെ അറിയിക്കുകയായിരുന്നു. 

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ

Related Stories

No stories found.
logo
Samakalika Malayalam
www.samakalikamalayalam.com