റങ്കൂണ്‍: 122 യാത്രക്കാരുമായി ആന്‍ഡമാന്‍ കടലില്‍ തകര്‍ന്നു വീണ മ്യാന്‍മാര്‍ സൈനിക വിമാനത്തിന്റെയും വിമാനത്തിലുണ്ടായിരുന്നവരുടെയും മൃതദേഹ അവശിഷ്ടങ്ങള്‍ കണ്ടെത്തിയതായി സ്ഥിരീകരിച്ചു. കുട്ടികളടക്കം പത്ത് പേരുടെ മൃതദേഹങ്ങളാണ് കണ്ടെടുത്തിട്ടുള്ളത്.
മയേകിനും തലസ്ഥാനമായ റങ്കൂണിനുമിടയില്‍ വെച്ചാണ് വിമാനം റഡാറില്‍ നിന്നും അപ്രത്യക്ഷമായത്. ദവേയ് നഗരത്തില്‍ നിന്ന് 20 മൈല്‍ അകലെവെച്ച് വിമാനത്തിന് എയര്‍ട്രാഫിക് കണ്‍ട്രോളുമായുള്ള ബന്ധം നഷ്ടപ്പെട്ടു.
വിമാനത്തിന്റെ മറ്റ് ഭാഗങ്ങള്‍ കണ്ടെത്തുന്നതിനും ബാക്കിയുള്ള യാത്രക്കാരുടെ മൃതദേഹങ്ങള്‍ കണ്ടെത്തുന്നതിനുമായി തിരച്ചില്‍ പുരോഗമിക്കുകയാണ്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
