കന്സാസ് വെടിവെയ്പ്പില് ഇന്ത്യക്കാരന് കൊല്ലപ്പെട്ടതിനെ അപലപിക്കുന്നു എന്ന് അമേരിക്കന് പ്രസിഡന്റ് ഡൊണാള്ഡ് ട്രംപ്. കന്സാസിലും ജൂതസമൂഹത്തിനെതിരെയും ഉണ്ടായ വര്ഗീയ അതിക്രമങ്ങളില് അപലപിക്കുന്നു.വംശീയ വിദ്വേഷം അമേരിക്കയുടെ നയമല്ല വംശീയ അതിക്രമങ്ങള്ക്കെതിരെ ഒന്നിച്ചു നില്ക്കണം. പൗരാവകാശ സംരക്ഷണത്തിന് ഇനിയും ഒരുപാട് കാര്യങ്ങള് ചെയ്യാനുണ്ട്. അമേരിക്കയെ മികച്ചതാക്കുമെന്ന വാക്കുപാലിക്കും. . അമേരിക്കന് കോണ്ഗ്രസിനെ അഭിസംബോധന ചെയ്യുകയായിരുന്നു ട്രംപ്.
വിസാ നിരോധനം സാധ്യമാക്കാന് നിയമ പോരാട്ടം നടത്തും. കഴിഞ്ഞ ദശാബ്ദത്തിലുണ്ടായ തെറ്റുകള് ആവര്ത്തിക്കാന് അനുവദിക്കില്ല.കുടിയേറ്റം തടയുന്നതിനായി അമേരിക്കയുടെ ദക്ഷിണ അതിര്ത്തിയില് അധികം താമസിക്കാതെ തന്നെ വലിയ മതില് പണിയുമെന്നും ട്രംപ് പറഞ്ഞു. ഒബാമ കെയര് ഉടച്ച് വാര്ക്കുമെന്നും ട്രംപ് പറഞ്ഞു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ