ഹാരി രാജകുമാരന്റെ കാമുകി മേഗന് മാര്ക്കിളിന്റെ ഇന്സ്റ്റാഗ്രാം ചിത്രങ്ങള് പരിശോദിച്ചാല് മനസിലാക്കാം ഇന്ത്യന്സുന്ദരി പ്രിയങ്കാചോപ്രയുമായുള്ള മേഗന്റെ സൗഹൃദം. അമേരിക്കന് ടെലിവിഷന്റെ ഭാഗമായി പ്രവര്ത്തിക്കുന്ന ഇരുവരും അടുത്ത സുഹൃത്തുക്കളാണ്. ഇതാണ് എല്ലാവരും ഏറെ പ്രതീക്ഷയോടെ കാത്തിരിക്കുന്ന അടുത്ത വര്ഷം നടക്കുന്ന ഹാരി-മേഗന് വിവാഹത്തില് പ്രിയങ്ക പങ്കെടുക്കുമെന്ന വാര്ത്തകള് ശക്തമാകുന്നതിന് പിന്നില്.
മേഗന്റെ ബ്ലോഗും ലൈഫ്സ്റ്റൈല് സൈറ്റുമായ ദി ടിഗ്ഗിന് വേണ്ടി പ്രിയങ്കയുമായി നടത്തിയ അഭിമുഖത്തിന് ശേഷമാണ് ഇരുവരും സുഹൃത്തുക്കളായതെന്നാണ് റിപ്പോര്ട്ടുകള്. പിന്നീടങ്ങോട്ട് ഒന്നിച്ച് ചിലവഴിച്ച നിമിഷങ്ങള് ചിത്രങ്ങളാക്കി പങ്കുവയ്ക്കുകയായിരുന്നു ഇരു താരങ്ങളും. ഇത്തരത്തില് ഇരുവരെയും ഒന്നിച്ച് കാണാന് കഴിയുന്ന ധാരാളം ചിത്രങ്ങളാണ് സമൂഹ മാധ്യമത്തിലൂടെ പങ്കുവയ്ക്കപ്പെട്ടിട്ടുള്ളത്. വിവാഹ വാര്ത്ത പ്രഖ്യാപിച്ചതോടെ ഇരുവര്ക്കും പ്രിയങ്ക ആശംസ അറിയിക്കുകയും ചെയ്തിട്ടുണ്ട്.
'വൈല്ഡ് എബൗട്ട് ഹാരി' എന്ന തലക്കെട്ടോടെ ഈ അടുത്ത് വാനിറ്റി ഫെയര് എന്ന മാഗസീന് മേഗനെകുറിച്ച് ഫീച്ചര് പ്രസിദ്ധീകരിച്ചപ്പോള് വാനിറ്റി ഫെയര് മേഗന്റെ മറ്റ് നേട്ടങ്ങള് കണക്കിലെടുക്കാതെ ഹീരിയുമായുള്ള ബന്ധം മാത്രം ഉയര്ത്തികാട്ടുകയായിരുന്നെന്ന് പ്രിയങ്ക അഭിപ്രായപ്പെട്ടിരുന്നു. മേഗന് ഒരു അഭിനേത്രിയാണ്, സാമൂഹിക പ്രവര്ത്തകയാണ്, മനുഷ്യസ്നേഹിയാണ് എന്നെല്ലാം വിശേഷിപ്പിച്ച പ്രിയങ്ക ഈല പറഞ്ഞതിലും എത്രയോ അധികമാണ് അവര് ചെയ്യുന്നതെന്ന് കൂട്ടിച്ചേര്ക്കുകയും ചെയ്തിരുന്നു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ