ഹ്യൂഗോ ഷാവേസിന്റേയും ഈജിപ്ത്യന് പ്രസിഡന്റിന്റേയും ഭാര്യ; ഇപ്പോള് വൈറ്റ്ഹൗസിന്റെ മേല്നോട്ടക്കാരി; നിഗൂഢതകള് നിറഞ്ഞ വനിത
ഈജിപ്ത്യന് പ്രസിഡന്റ് ഇവരെ രഹസ്യമായി വിവാഹം കഴിച്ചു. വെനസ്വേലിയന് പ്രസിഡന്റ് ഹ്യുഗോ ഷാവേസിന്റെ മുന് ഭാര്യയാണ്. ഇപ്പോള് അമേരിക്കന് പ്രസിഡന്റ് ഡൊണാള്ഡ് ട്രംപിന്റെ മകള് ഇവാങ്ക ട്രംപിന്റെ പ്രധാനിയായ രഹസ്യ ഉപദേഷ്ടാവ്. ജിസെല്ലെ യസ്ജിയെന്ന നിഗൂഢതകള് നിറഞ്ഞ വനിതയാണ് വീണ്ടും വാര്ത്തകളില് ഇടംപിടിക്കുന്നത്.
വാഷിങ്ടണ് ഡിസിയിലെ അതിസമ്പന്നര്ക്കൊപ്പമാണ് പല ലോക നേതാക്കള്ക്കിടയിലും സാന്നിധ്യം ഉറപ്പിക്കുന്ന ഈ സ്ത്രീയുടെ താമസം. ട്രംപിന്റെ മകള് ഇവാങ്ക ട്രംപിന്റെ മാതാവിനോടൊപ്പം നില്ക്കുന്ന പദവി, ഇവാങ്ക കഴിഞ്ഞാല് വൈറ്റ് ഹൗസിലെ പ്രധാന സ്ഥാനം കയ്യാളുന്ന വനിതയാണ് അവരിപ്പോഴെന്ന് വാഷിങ്ടണ് പോസ്റ്റ് പുറത്തുവിട്ട വാര്ത്തയില് പറയുന്നു.
ഈജിപ്ത്യന് പ്രസിഡന്റ് അബ്ദെല് ഫതാ അല് സിസി തന്നെ രഹസ്യമായി വിവാഹം കഴിച്ചിട്ടുണ്ടെന്നും ഇവര് അഭിപ്രായപ്പെടുന്നു. വെനസ്വേലിയന് പ്രസിഡന്റ് ഹ്യുഗോ ഷാവേസിന്റെ മുന് ഭാര്യയാണ് ജിസെല്ലേ യസ്ജി.
അമേരിക്കന് പ്രസിഡന്റായി അധികാരമേറ്റതിന് ശേഷം ട്രംപും ഈജിപ്ത്യന് പ്രസിഡന്റും തമ്മിലുള്ള ആദ്യ ഫോണ് കോള് വന്നത് ജിസെല്ലയിലൂടെ. സ്വകാര്യ വിമാനങ്ങള്, വാഷിങ്ടണ് ഡിസിയിലെ അതി സമ്പന്ന മേഖലയില് അഡംബര വീട്. സ്പെയിനിലും, മാന്ഹട്ടനിലും വസതിയും ഇവര്ക്കുള്ളതായി വാഷിങ്ടണ് പോസ്റ്റ് പുറത്തുവിട്ട വാര്ത്തയില് പറയുന്നു.
ജിസെല്ലയുടെ മാസവരുമാനം 2.1 മില്യണ് ഡോളറാണ്. വൈറ്റ്ഹൗസുമായുള്ള രഹസ്യ ബന്ധത്തെ തുടര്ന്ന് യുഎസ് സീക്രട്ട് സര്വീസിന് ജിസെല്ലയുടെ അപ്പാര്ട്ട്മെന്റില് പ്രവേശനം. സാമ്പത്തികമായി മുന്നില് നില്ക്കുന്നവരെ കബളിപ്പിക്കാന് പെട്ടെന്ന് സാധിക്കുന്നതാണ് അവരുടെ വളര്ച്ച വേഗത്തിലാക്കിയത്.
എന്നാല് ഇവര് കുറ്റവാളിയാണെന്നതാണ് ഉന്നതരില് പലരും അറിയാതെ പോകുന്നത്. ജിസെല്ല ഉള്പ്പെട്ട അഴിമതി കൊളംബിയയില് ഒരിക്കല് വലിയ കോളിളക്കം സൃഷ്ടിച്ചിരുന്നു. തന്റെ ശരീര ഭംഗി ഉപയോഗിച്ച് അതിസമ്പന്നരെ അവര് പാട്ടിലാക്കുന്നു.
എന്നാല് വാഷിങ്ടണ് പോസ്റ്റില് പറയുന്ന ഈ കാര്യങ്ങളെല്ലാം ജിസെല്ല നിഷേധിക്കുന്നു. ഈജിപ്ത്യന് പ്രസിഡന്റിനെ വിവാഹം കഴിച്ചിട്ടില്ല. വൈറ്റ്ഹൗസുമായുള്ള ബന്ധവും ജിസെല്ല നിഷേധിക്കുന്നു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ