പാരീസ്: ഫ്രാൻസിലെ സൂപ്പർ മാർക്കറ്റിൽ ഇസ്ലാമിക് സ്റ്റേറ്റ് ഭീകരനെന്നു കരുതുന്ന യുവാവ് നടത്തിയ ആക്രമണത്തിൽ ഒരാൾ കൊല്ലപ്പെട്ടു. രാവിലെ പതിനൊന്നോടെ തെക്കൻ ഫ്രാൻസിലെ ഹെബ് നഗരത്തിലെ ട്രബിസിൽ സൂപ്പർമാർക്കറ്റിൽ കയറിയ തോക്കുധാരി അവിടെയുണ്ടായിരുന്നവരെ ബന്ദിയാക്കുകയായിരുന്നു. കടയ്ക്കുള്ളിൽനിന്നു വെടിവയ്പ് ശബ്ദം കേട്ടതായി പ്രദേശവാസികൾ പറഞ്ഞതായി വാർത്താ ഏജൻസികൾ റിപ്പോർട്ട് ചെയ്യുന്നു. പൊലീസും സുരക്ഷാസേനയും രക്ഷാപ്രവർത്തനം തുടരുകയാണ്.
ട്രബിസിൽ വെടിവയ്പ് നടത്തുന്നതിനു മുന്പ് സമീപനഗരത്തിൽ അക്രമി ഒരു പൊലീസ് ഓഫീസറെ വെടിവച്ചുവീഴ്ത്തിയെന്നും റിപ്പോർട്ടുകളുണ്ട്. ആക്രമണം നടത്തിയ ആൾ യുവാവാണെന്നും വെടിവയ്പിൽ രണ്ടു പേർക്കു പരിക്കേറ്റെന്നും പ്രാദേശിക മേയർ പറഞ്ഞതായി ടെലിഗ്രാഫ് റിപ്പോർട്ട് ചെയ്തു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ