കാന്സര് വരാതിരിക്കാനും വന്നാല് അതിനെ മറികടക്കാനും ഇന്ന് പല പ്രതിവിധികളുമുണ്ട്. അതില് ഏറ്റവും ചെലവ് കുറഞ്ഞതും എളുപ്പമുള്ളതുമായ ഒന്നാണ് വാട്ടര് തെറപ്പി. വാട്ടര് തെറാപ്പി ലോകമൊട്ടാകെ അംഗീകരിച്ചിരിയ്ക്കുന്ന, ക്യാന്സറിനുള്ള ഒരു പ്രതിവിധി തന്നെയാണ്. അവിശ്വസിനീയമായ ഒന്നായി ഇതിനെ കാണേണ്ട കാര്യമില്ല.
രാവിലെ എഴുന്നേല്ക്കുമ്പോള് തന്നെ വാട്ടര് തെറപ്പിയുടെ ആദ്യ ഘട്ടം തുടങ്ങണം. വെറും വയറില് പല്ലു തേക്കുന്നതിന് മുന്പ് ഒന്നര ലിറ്റര് അതായത് 5-6 ഗ്ലാസ് വെള്ളം കുടിക്കുക. വെള്ളം കുടിക്കുന്നതിന് ഒരു മണിക്കൂര് മുമ്പും ശേഷവും പാനിയങ്ങളോ, ഖരാഹാരങ്ങളോ കഴിക്കരുത് എന്നതിനു പുറമേ തലേന്ന് രാത്രിയില് മദ്യവും കഴിക്കരുത്. പ്രഭാത ഭക്ഷണത്തിന് ശേഷം സാധാരണ പോലെ ഉച്ചഭക്ഷണവും, അത്താഴവും കഴിക്കാം. എന്നാല് ഇവയ്ക്ക് ശേഷം രണ്ട് മണിക്കൂര് നേരത്തേക്ക് ഒന്നും കഴിക്കുകയോ കുടിക്കുകയോ ചെയ്യരുത്.
ഒന്നര ലിറ്റര് വെള്ളമൊക്കെ ഒരുമിച്ച് കുടിക്കുന്നത് തുടക്കത്തില് പ്രയാസമാണെങ്കിലും പതുക്കെ ശീലമായിക്കൊള്ളും. പച്ചവെള്ളവും തിളപ്പിച്ച വെള്ളവും കുടിയ്ക്കാം. തുടക്കത്തില് ആദ്യം നാലു ഗ്ലാസ് വെള്ളം കുടിച്ചേതിനു ശേഷം കുറച്ച് സമയം കഴിഞ്ഞ് ബാക്കി വെള്ളവും കുടിയ്ക്കുക.
പ്രായമായവര്ക്കും രോഗികള്ക്കും നാല് ഗ്ലാസ്സ് വെള്ളം ഒരുമിച്ച് കുടിക്കാന് സാധിച്ചില്ലെന്ന് വരാം. അവര് ചെറിയ അളവില് തുടങ്ങി ക്രമേണ ദിവസം 4 ഗ്ലാസ്സ് എന്ന അളവിലേക്ക് എത്തിച്ചേരുക. ഇത് വഴി രോഗങ്ങളകറ്റി ആരോഗ്യകരമായ ജീവിതം സാധ്യമാക്കാം. സന്ധിവാതമുള്ളവര് ആദ്യം ആഴ്ചയില് മൂന്ന് ദിവസം മാത്രം ചികിത്സ ചെയ്യുക. പിന്നീട് ഇത് എല്ലാ ദിവസവും ചെയ്യാവുന്ന രീതിയിലേക്ക് മാറ്റാം. ഈ ചികിത്സക്ക് ദോഷവശങ്ങളില്ല.
വാട്ടര് തെറാപ്പി, വിയര്പ്പും മൂത്രവും വഴി ശരീരത്തില് നിന്ന് വിഷാംശം നീക്കം ചെയ്യുന്നു. തിളക്കവും ആരോഗ്യവുമുള്ള ചര്മ്മം ലഭ്യമാക്കുന്നു. ശരീരോഷ്മാവ് നിയന്ത്രിക്കുന്നു. ശരീരത്തില് നിന്ന് മാലിന്യങ്ങള് പുറന്തള്ളുന്നു. കൂടാതെ അനീമിയ, റൂമാറ്റിസം, പരാലിസിസ്, അമിതവണ്ണം, സന്ധിവാതം, സൈനസൈറ്റിസ്, വര്ദ്ധിച്ച നെഞ്ചിടിപ്പ്, ബോധക്ഷയം, ചുമ, ലുക്കീമിയ, ബ്രോങ്കൈറ്റിസ്, മെനിഞ്ചൈറ്റിസ്, അസിഡിറ്റി, വയറുകടി, ആന്ത്രവീക്കം, ഗര്ഭാശയ ക്യാന്സര്, ഗുദഭ്രംശം, നേത്രരോഗങ്ങള്, ക്രമം തെറ്റിയ ആര്ത്തവം, തലവേദന തുടങ്ങി പല രോഗങ്ങള്ക്കും വാട്ടര് തെറാപ്പി പരിഹാരം നല്കും.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ