ഇനി ആശുപത്രിയിലും, ക്ലിനിക്കിലും പോകാതെ വീട്ടിലിരുന്ന് തന്നെ ഇസിജി പരിശോധിക്കാനാകും. പോക്കറ്റില്‍ കൊണ്ടുനടക്കാവുന്ന ഇസിജി യന്ത്രം കണ്ടുപടിച്ചിരിക്കുകയാണ് ഇന്ത്യയിലെ ശാസ്ത്രജ്ഞര്‍.
ബാബ ആറ്റോമിക് റിസര്‍ച്ച് സെന്ററിലെ ശാസ്ത്രജ്ഞരാണ് ചെലവ് കുറഞ്ഞ ഇസിജി മെഷിന് വികസിപ്പിച്ചെടുത്തിരിക്കുന്നത്. ക്രെഡിറ്റ് കാര്‍ഡിന്റെ വലിപ്പത്തിലുള്ളതാണ് ഈ മെഷിന് എന്നാണ് മാധ്യമ വാര്‍ത്തകള്‍.
ഹൃദയത്തിന്റെ തുടിപ്പുകള്‍ ഇന്ത്യന്‍ ശാസ്ത്രജ്ഞര്‍ വികസിപ്പിച്ചെടുത്ത ഈ യന്ത്രത്തിലൂടെ മനസിലാക്കാനാകും. ഹൃദയത്തിന്റെ പ്രവര്‍ത്തനം പെട്ടെന്ന് നിരീക്ഷിക്കുന്നതോടെ വര്‍ധിച്ചു വരുന്ന ഹൃദയാഘാതങ്ങള്‍ കുറയ്ക്കാനും ഇതിലൂടെ സാധിക്കുമെന്നാണ് വിലയിരുത്തല്‍.
മൊബൈല്‍ ഫോണിലേക്ക് ഈ മെഷിനിലൂടെ ഇസിജി വിവരങ്ങള്‍ ട്രാന്‍സ്ഫര്‍ ചെയ്യാനും സാധിക്കും. മൊബൈല്‍ ചാര്‍ജര്‍ ഉപയോഗിച്ച് ചാര്‍ജ് ചെയ്താല്‍ മതിയാകും. 4000 രൂപയായിരിക്കും വിപണിയില്‍ ഇസിജി മെഷിന്റെ വില.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
