സ്ത്രീകളുടെ രതിമൂര്‍ച്ചയെപ്പറ്റി പലതരം വാഗ്വാദങ്ങളും തര്‍ക്കങ്ങളും നിലനില്‍ക്കുന്നുണ്ട്. അതിനിടെ സ്ത്രീകള്‍ക്ക് രതിമൂര്‍ച്ച ടെക്‌നിക്കുകള്‍ ഉള്‍പ്പെടുത്തി മൊബൈല്‍ ആപ്പ് വികസിപ്പിച്ചെടുത്തിരിക്കുകയാണ് ഗവേഷകര്‍ . പന്ത്രണ്ട് വ്യത്യസ്ത തന്ത്രങ്ങളിലൂടെയാണ് ഈ സൈറ്റ് സ്ത്രീകളെ രതിമൂര്‍ച്ചയിലേക്കെത്തിക്കുന്നത്. ഒഎംജിയെസ്(ഓ മൈ ഗോഡ് യെസ്) എന്ന ഈ ആപ്പ് 19 മുതല്‍ 95 വയസുവരെയുള്ള സ്ത്രീകള്‍ക്ക് ഉപയോഗിക്കാമെന്നാണ് അവകാശപ്പെടുന്നത്.
ബോളിവുഡ് താരം എമ്മ വാട്‌സണ്‍ ഇതിന്റെ ഒരു ഉപഭോക്താവാണെന്നുള്ളതും കൂടി ആപ്ലിക്കേഷന്റെ ശ്രദ്ധേയമായ ഒരു വശമാണ്. സ്ത്രീകളുടെ അവകാശങ്ങള്‍ക്കായി നിരന്തരം സംസാരിക്കുകയും പ്രവര്‍ത്തിക്കുകയും ചെയ്യുന്നയാളാണ് എമ്മ. താന്‍ കുറച്ചുകാലത്തേക്ക് അഭിനയജീവിത്തില്‍ നിന്ന് ബ്രേക്ക് എടുത്ത് സ്ത്രീകളുടെ ഉന്നമനത്തിന് വേണ്ടി പ്രവര്‍ത്തിക്കാന്‍ പോവുകയാണെന്ന് അടുത്തിടെ വാര്‍ത്തകളില്‍ നിറഞ്ഞിരുന്നു.
അതേസമയം ഓസ്‌ട്രേലിയന്‍ സ്ത്രീകള്‍ക്കിടയിലാണ് ഇതി്‌ന് കൂടുതല്‍ പ്രചാരം ലഭിച്ചിട്ടുള്ളത്. മറ്റുരാജ്യത്തുള്ളവരേക്കാള്‍ കൂടുതല്‍ നല്ല അഭിപ്രായമാണ് ഓസ്‌ട്രേലിയക്കാര്‍ക്ക് പറയാനുളളത്. 'എന്റെ ഐഫോണില്‍ ഈ ആപ്ലിക്കേഷന്‍ ഉപയോഗിക്കാന്‍ ആദ്യം ബുദ്ധിമുട്ട് തോന്നിയിരുന്നു. എന്റെ തന്നെ അവയങ്ങളെക്കുറിച്ചായിരുന്നു ഞാന്‍ മനസിലാക്കിയിരുന്നത്. അപ്പോഴെനിക്ക് തോന്നി ഇത് ആണുങ്ങള്‍ ഉപയോഗിച്ചിരുന്നെങ്കില്‍ എന്റെ ലൈംഗികജീവിതം എത്ര വിസ്മയകരമായേനെ' വെബാസൈറ്റിന്റെ ഉപഭോക്താവായ സിഗ്റ്റണ്‍ കെല്ലി പറഞ്ഞു.
ഓരോ സ്ത്രീയ്ക്കും എങ്ങനെയെല്ലാമാണ് ലൈംഗിക സംതൃപ്തി കിട്ടുന്നതെന്ന് മനസിലാക്കിയാണ് ആപ്ലിക്കേഷന്റെ പ്രവര്‍ത്തനം. എല്ലാതരം ലൈംഗിക പ്രശ്‌നങ്ങള്‍ക്കും ഈ സൈറ്റ് ഒരു പരിഹാരമായിരുക്കില്ല, പക്ഷേ, പുരുഷന്റെ സഹായമില്ലാതെ സ്ത്രീകള്‍ക്ക് ലൈംഗിക സംതൃപ്തി ലഭിക്കാനുള്ള ഒരു എളുപ്പവഴിയായി തീര്‍ച്ചയായും ഇതിനെ കാണാമെന്നാണ് പറയപ്പെടുന്നത്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
