'കവിത അപകടകരമാണ്, പ്രത്യേകിച്ച് മനോഹരമായ കവിതകള്‍'

മാര്‍ച്ച് 21, ലോക കവിതാ ദിനം.

യുനെസ്‌ക്കോയുടെ ആഭിമുഖ്യത്തില്‍ 1999 മുതലാണ് മാര്‍ച്ച് 21 ലോക കവിത ദിനമായി ആചരിക്കാന്‍ ആരംഭിച്ചത്.

കാവ്യരചന, വായന, ആസ്വാദനം, പ്രസാധനം, അധ്യാപനം എന്നിവ പ്രോല്‍സാഹിപ്പിക്കാനും പ്രചരിപ്പിക്കാനുമാണ് ഈ ദിനാചരണം ലക്ഷ്യമിടുന്നത്.

പ്രാദേശികവും , ദേശീയവും, അന്തര്‍ദേശീയവുമായ കാവ്യപ്രസ്ഥാനങ്ങളെ അംഗീകരിക്കാനും, അവയ്ക്ക് പ്രചോദനം നല്‍കുക എന്നതും ദിനാചരണത്തിന്റെ ലക്ഷ്യമാണ്.

'ശാന്തിയുടെയും ഉള്‍ക്കൊള്ളലിനും വേണ്ടിയുള്ള പാലമാകണം കവിത' എന്നതാണ് ഇത്തവണത്തെ കവിത ദിനത്തിന്റെ സന്ദേശം.

ലോക കവിത ദിനത്തിന്റെ ലക്ഷ്യങ്ങൾ: സംസ്‌കാരവും പാരമ്പര്യവും സംരക്ഷിക്കുക

കവികളെയും സാഹിത്യകാരന്മാരെയും പ്രോത്സാഹിപ്പിക്കുക

വിദ്യാഭ്യാസം, കല, സമൂഹം എന്നിവയില്‍ കവിതയുടെ സ്ഥാനം ഉറപ്പിക്കുക

ലോകമെമ്പാടുമുള്ള ഭാഷകളിലും ഉപഭാഷകളിലും എഴുതപ്പെട്ട കവിതകളെ ജനപ്രിയമാക്കുക.