ന്യൂഡൽഹി: ഓടിക്കൊണ്ടിരുന്ന മെട്രോ ട്രെയിനിന് മുന്നിൽ ചാടിയ മധ്യ‌വയസ്‌കൻ മരിച്ചു. ഏകദേശം അമ്പത് വയസോളം പ്രായം തോന്നിക്കുന്നയാളാണ് മരിച്ചത്. മൃതദേഹം ഡൽഹിയിലെ ജിടിബി ആശുപത്രിയിലാണ് സൂക്ഷിച്ചിരിക്കുന്നത്. സംഭവം ആത്മഹത്യയാണെന്നാണ് പൊലീസ് നി​ഗമനം. 

ഇന്ന് രാവിലെ 6.35ഓടെയാണ് സംഭവം നടന്നത്. ദിൽഷാദ് ഗാർഡനിലേക്ക് പോവുകയായിരുന്ന ട്രെയിനിന് മുന്നിലേക്കാണ് ഇയാൾ ചാടിയത്. ഇതേത്തുടർന്ന് ദില്ലി മെട്രോ ഒരു മണിക്കൂറോളം തടസ്സപ്പെട്ടു.