രാജ്യത്തെ വാഹന കയറ്റുമതിയില്‍ 14 ശതമാനം വര്‍ധന; കണക്ക് ഇങ്ങനെ

നടപ്പുസാമ്പത്തികവര്‍ഷത്തിന്റെ ആദ്യ ആറുമാസ കാലയളവില്‍ രാജ്യത്തെ വാഹന കയറ്റുമതിയില്‍ വര്‍ധന.

മുന്‍വര്‍ഷത്തെ സമാന കാലയളവിനെ അപേക്ഷിച്ച് കയറ്റുമതി 14 ശതമാനം കൂടി.

യാത്രാ വാഹനങ്ങളുടെയും ഇരുചക്രവാഹനങ്ങളുടെയും കയറ്റുമതിയിലുണ്ടായ വര്‍ധനയാണ് നേട്ടത്തിന് കാരണമെന്ന് സിയാം ഡേറ്റ വ്യക്തമാക്കുന്നു.

ഏപ്രില്‍- സെപ്റ്റംബര്‍ കാലയളവില്‍ 25,28,248 വാഹനങ്ങളാണ് കയറ്റി അയച്ചത്. മുന്‍വര്‍ഷം സമാനകാലയളവില്‍ ഇത് 22,11,457 വാഹനങ്ങളായിരുന്നു.

ലാറ്റിന്‍ അമേരിക്ക, ആഫ്രിക്ക എന്നി രാജ്യങ്ങളില്‍ നിന്നുള്ള ആവശ്യകത ഉയര്‍ന്നതാണ് കയറ്റുമതിയില്‍ പ്രതിഫലിച്ചത്.

യാത്രാ വാഹനങ്ങളില്‍ മാരുതി സുസുക്കിയുടെ വാഹനങ്ങളാണ് ഏറ്റവുമധികം കയറ്റി അയച്ചത്. 1,47,063 വാഹനങ്ങള്‍. രണ്ടാം സ്ഥാനത്ത് ഹ്യുണ്ടായി മോട്ടോര്‍ ആണ്. 84,900 ഹ്യുണ്ടായി വാഹനങ്ങളാണ് കയറ്റുമതി ചെയ്തത്.

ഇരുചക്രവാഹന കയറ്റുമതിയില്‍ സ്‌കൂട്ടറാണ് മുന്‍പന്തിയില്‍. സ്‌കൂട്ടര്‍ കയറ്റുമതിയില്‍ 19 ശതമാനം വര്‍ധനയാണ് രേഖപ്പെടുത്തിയത്.