എ എം
തത്കാല് ടിക്കറ്റ് ബുക്കിങ്ങിന് ആധാര് നിര്ബന്ധമാക്കുന്നത് ജൂലൈ ഒന്നുമുതല് നടപ്പാക്കുമെന്ന് റെയില്വേ (indian railway ). ആധാറുമായി ബന്ധിപ്പിച്ച അക്കൗണ്ടുകള്ക്ക് മാത്രമേ ആപ്പിലൂടെയോ വെബ്സൈറ്റിലൂടെയോ ജൂലൈ ഒന്ന് മുതല് തത്കാല് ടിക്കറ്റ് എടുക്കാനാവൂ
15 മുതല് ആധാര് അധിഷ്ഠിത ഒടിപിയും തത്കാല് ബുക്കിങ്ങിന് നിര്ബന്ധമാക്കും. കൗണ്ടറുകളില് നിന്നോ ഏജന്റുമാരില് നിന്നോ എടുക്കുന്ന തത്കാല് ടിക്കറ്റുകള്ക്ക് യാത്രക്കാരന് നല്കുന്ന മൊബൈല് നമ്പറിലേക്ക് എത്തുന്ന ഒടിപിയാണ് നിര്ബന്ധമാക്കുന്നത്
ഏജന്റുമാര്ക്ക് തത്കാല് ടിക്കറ്റുകള് ബുക്ക് ചെയ്യുന്നതിലെ നിയന്ത്രണം കര്ശനമായി നടപ്പാക്കും. രാവിവെ 10 മുതല് 10.30 വരെ എസി ടിക്കറ്റുകളും 11 മുതല് 11.30 വരെ നോണ് എസി ടിക്കറ്റുകളും ഏജന്റുമാര്ക്ക് ബുക്ക് ചെയ്യാനാവില്ല
യഥാര്ഥ യാത്രക്കാര്ക്ക് തത്കാല് ടിക്കറ്റ് ബുക്ക് ചെയ്യാനാകാത്ത തരത്തില് എഐ സഹായത്തോടെ പലരും ബുക്കിങ് നടത്തുന്നതായി പരാതികളുയര്ന്ന സാഹചര്യത്തിലാണ് റെയില്വേയുടെ പുതിയ നടപടി
ടിക്കറ്റ് തട്ടിപ്പ് തടയുന്നതിനും റിസര്വേഷന് പ്രക്രിയയില് സുതാര്യത ഉറപ്പുവരുത്തുന്നതിനും ലക്ഷ്യമിട്ടാണ് പുതിയ പരിഷ്കാരം. തത്കാല് ടിക്കറ്റുകള് ബുക്ക് ചെയ്യുന്നതിന് ഇന്ത്യന് റെയില്വേ ഉടന് തന്നെ ഇ-ആധാര് പ്രാമാണീകരണം നടപ്പാക്കുമെന്ന് കേന്ദ്ര റെയില്വേ മന്ത്രി അശ്വിനി വൈഷ്ണവ് പറഞ്ഞു.
ഒരു വ്യക്തിയുടെ ജനസംഖ്യാപരമായ വിവരങ്ങള് (പേര്, ജനനത്തീയതി, ലിംഗഭേദം മുതലായവ) അല്ലെങ്കില് ബയോമെട്രിക് വിവരങ്ങള് (വിരലടയാളം അല്ലെങ്കില് ഐറിസ്) എന്നിവയോടൊപ്പം ആധാര് നമ്പറും UIDAIയുടെ സെന്ട്രല് ഐഡന്റിറ്റി ഡാറ്റാ റിപ്പോസിറ്ററിയില് (CIDR) സ്ഥിരീകരണത്തിനായി സമര്പ്പിക്കുകയും സമര്പ്പിച്ച വിശദാംശങ്ങളുടെ കൃത്യതയോ അഭാവമോ യുഐഡിഎഐ പരിശോധിച്ചുറപ്പിക്കുകയും ചെയ്യുന്ന പ്രക്രിയയാണ് ആധാര് പ്രാമാണീകരണം
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates