അഞ്ജു സി വിനോദ്‌
ചുമ്മാ കിടന്ന് സമ്മർദം ഒഴിവാക്കാമെന്ന് പറഞ്ഞാൽ വിശ്വസിക്കുമോ? 'തെറാപ്യൂട്ടിക് ലേസിനസ്' ജനപ്രിയമാകുന്നതിന് പിന്നിലെ കാരണം അതാണ്.
ഒന്നും ചെയ്യാതെ കുറച്ചു സമയം കിടക്കയിൽ വിശ്രമിക്കുക. നിങ്ങളുടെ ഉറക്കത്തിന് മുൻഗണന നൽകുകയും വിശ്രമിക്കാൻ അനുവദിക്കുകയും ചെയ്യുന്നുവെന്നതാണ് ഈ ആശയത്തിന്റെ കാതൽ.
തെറാപ്യൂട്ടിക് ലേസിനസിനെ മടിയായി തെറ്റിദ്ധരിക്കരുത്. ഇത് ശാരീരിക-മാനസിക സമ്മര്‍ദം കുറയ്ക്കാന്‍ മികച്ച തെറാപ്പി അല്ലെങ്കില്‍ സ്വയം പരിചരണ രീതിയായി കണക്കാക്കാം.
ധ്യാനം, വ്യായാമം അല്ലെങ്കിൽ സ്പാ ചികിത്സകൾ പോലുള്ള പരമ്പരാഗത സ്വയം പരിചരണ രീതികളില്‍ നിന്ന് വ്യത്യസ്തമായി തെറാപ്യൂട്ടിക് ലേസിനസ് മനഃപൂർവമായ നിഷ്‌ക്രിയത്വം പ്രോത്സാഹിപ്പിക്കുന്നു.
വിശ്രമവുമായി ബന്ധപ്പെട്ട കുറ്റബോധം ഉടലെടുക്കുന്നത് ഉൽപ്പാദനക്ഷമതയുമായി മൂല്യത്തെ താരതമ്യം ചെയ്യുന്ന സാമൂഹിക വ്യവസ്ഥയിൽ നിന്നാണ്. ഈ മാനസികാവസ്ഥ മാറുന്നതിന് വിശ്രമത്തെ ഒരു ആഡംബരമായിട്ടല്ല, മറിച്ച് ഒരു ജൈവിക ആവശ്യമായി കാണേണ്ടത് അനിവാര്യമാണ്.
തെറാപ്യൂട്ടിക് ലേസിനസ് പ്രാവര്‍ത്തികമാക്കാന്‍
ജോലി സമയത്തിനും വ്യക്തിഗത സമയത്തിനും ചുറ്റും അതിരുകൾ നിശ്ചയിക്കുക
ഇടവേളകൾ ഷെഡ്യൂൾ ചെയ്യുക, വിശ്രമം പ്രകടനം മെച്ചപ്പെടുത്തുമെന്ന് സ്വയം ഓർമ്മിപ്പിക്കുക
വായന, ശ്രദ്ധ വ്യതിചലിക്കാതെ കിടക്കയിൽ കിടക്കുക തുടങ്ങിയ വിശ്രമം പ്രോത്സാഹിപ്പിക്കുന്ന പ്രവർത്തനങ്ങളിൽ ഏർപ്പെടുക.