കർക്കടകത്തിൽ കഴിക്കാം പത്തില

മനസും ശരീരവും ശുദ്ധീകരിച്ച് ബലപ്പെടുത്തുന്നതിന് ഏറ്റവും ഉചിതമായ മാസമാണ് കർക്കടകമാസം. കർക്കടകത്തിൽ ഭക്ഷണത്തിൽ ഉൾപ്പെടുത്താം ഈ 10 ഇലകൾചേമ്പില

ചേമ്പില

ചേമ്പിന്റെ ഇലയിൽ കാൽസ്യം, ഫോസ്ഫറസ് ഇവ ധാരാളമുണ്ട്. ദഹനം വർധിപ്പിക്കാനും സഹായിക്കുന്നു

തകര

തകരയുടെ ഇല നേത്രരോഗം, മലബന്ധം, ത്വക്‌രോഗം ഇവ അകറ്റുന്നു.

തഴുതാമ

തഴുതാമയിലയിൽ പൊട്ടാസ്യം നൈട്രേറ്റ് ധാരാളം അടങ്ങിയതിനാൽ,ഇത് മൂത്രവർധനവിനുള്ള ഔഷധധമായി ഉപയോഗിക്കുന്നു.

കുമ്പളം ഇല

കുമ്പളത്തിന്റെ ഇല രക്തം ശുദ്ധിയാക്കുന്നു. ബുദ്ധിയുണ്ടാകാനും ഇത് നല്ലതാണ്..

മത്തൻ ഇല

മത്തന്റെ ഇളംതണ്ട്, പൂവ്, കായ് എന്നിവയെല്ലാം ഭക്ഷ്യയോഗ്യമാണ്.

ചേന ഇല

ചേനയിലയിൽ നാരുകൾ, കാൽസ്യം, ഫോസ്ഫറസ് ഇവ ധാരാളം ഉണ്ട്.

പയർ ഇല

പയറിന്റെ ഇല ദഹനശക്തി മെച്ചപ്പെടുത്തുന്നു. കരൾവീക്കത്തിനും ഈ ഇല നല്ലതാണ്. മാംസ്യം, ധാതുക്കൾ, ജീവകം എ, സി എന്നിവയും പയറിലയിൽ ഉണ്ട്.

ചൊറിയണത്തിന്റെ ഇല

ചൊറിയണത്തിന്റെ ഇലയും കർക്കടകത്തിൽ കറി വയ്ക്കാം.രക്തസമ്മർദം ഉള്ളവർക്ക് കറിയിൽ ഉപ്പിനു പകരം ഇന്തുപ്പ് ചേർക്കാം.

മുളളൻചീര

മുളളൻചീരയ്ക്കും ഔഷധഗുണമേറെയാണ്. ഇലയും തണ്ടും കറിവച്ചുകഴിക്കാം. ഇലയുടെ നീരെടുത്ത് വെറും വയറ്റിൽ കഴിക്കുന്നത് നല്ലതാണ്

നെയ്യുണ്ണി ഇല

നെയ്യുണ്ണി ഇല കർക്കടകത്തിൽ കഴിക്കുന്നത് ആരോ​ഗ്യ​ത്തിന് നല്ലതാണ്