ഫെഡററുടെ റെക്കോർഡ് തകർത്ത് ജോക്കോവിച്

ടെന്നീസ് ഇതിഹാസം റോജർ ഫെഡററുടെ മറ്റൊരു റെക്കോർഡും പഴങ്കഥയാക്കി നൊവാക് ജോക്കോവിച്.

ടെന്നീസ് റാങ്കിങില്‍ ലോക ഒന്നാം നമ്പർ സ്ഥാനത്ത് നിൽക്കുന്ന ഏറ്റവും പ്രായമുള്ള പുരുഷ താരമായി ജോക്കോവിച് മാറി.

36 വയസും 321 ദിവസം പ്രായമാണ് നിലവിൽ ജോക്കോവിചിന്. ഫെഡറർ സ്ഥാപിച്ച ഈ റെക്കോർഡാണ് സെർബിയൻ ഇതിഹാസം മറികടന്നത്.

ഒന്നാം റാങ്കിൽ 420 ആഴ്ചകൾ ജോക്കോവിച് പിന്നിട്ടു.

24 ​കിരീടവുമായി പുരുഷ ടെന്നീസിൽ ഏറ്റവും കൂടുതൽ ഗ്രാൻ‍ഡ് സ്ലാം നേട്ടം സ്വന്തമാക്കിയ താരമെന്ന റെക്കോർഡ് നേരത്തെ ജോക്കോ സ്വന്തമാക്കി.