സമകാലിക മലയാളം ഡെസ്ക്
രണ്ടാം വിവാഹ വാര്‍ഷികം ആഘോഷിക്കുകയാണ് ബോളിവുഡിലെ പവര്‍ കപ്പിള്‍സായ ആലിയ ഭട്ടും രണ്‍ബീര്‍ കപൂറും
ആലിയയ്ക്ക് രണ്‍ബീറിനോടുള്ള ക്രഷ് ആരംഭിക്കുന്നത് വളരെ ചെറിയ പ്രായത്തിലാണ്. ആദ്യ കാഴ്ചയില്‍ തന്നെ തന്റെ ബിഗ്ഗസ്റ്റ് ക്രഷായി രണ്‍ബീര്‍ എന്നാണ് ആലിയ പിന്നീട് പറഞ്ഞിട്ടുള്ളത്.
സഞ്ജയ് ലീല ബന്‍സാലിയുടെ ബ്ലാക്കിന്റെ സെറ്റില്‍ വച്ചായിരുന്നു രണ്‍ബീറിനെ ആദ്യമായി ആലിയ കാണുന്നത്. ആ സമയത്ത് ബന്‍സാലിയുടെ അസിസ്റ്റന്റ് ആയിരുന്നു.
പിന്നീട് സിനിമയില്‍ എത്തിയപ്പോള്‍ പല സ്ഥലത്തുവച്ച് ഇരുവരും കണ്ടുമുട്ടിയെങ്കിലും സഹപ്രവര്‍ത്തകര്‍ മാത്രമായി ഒതുങ്ങി. അയാന്‍ മുഖര്‍ജിയുടെ ബ്രഹ്മാസ്ത്രയില്‍ നായകനും നായികയുമായി എത്തിയതോടെയാണ് ഇരുവരുടേയും പ്രണയം പൂവിടുന്നത്.
ആദ്യം ഇരുവരും തങ്ങളുടെ ബന്ധം രഹസ്യമായി സൂക്ഷിച്ചെങ്കിലും സോനം കപൂറിന്റെ വിവാഹ റിസപ്ഷനില്‍ ഒന്നിച്ചെത്തി ആരാധകരെ ഞെട്ടിക്കുകയായിരുന്നു.
അഞ്ച് വര്‍ഷത്തോളം നീണ്ട പ്രണയത്തിന് ശേഷം 2022 ഏപ്രിലിലാണ് ഇരുവരും വിവാഹിതരാവുന്നത്. ആടുത്ത വര്‍ഷം ഇരുവര്‍ക്കും റഹ എന്ന മകള്‍ പിറന്നു.