'എന്റെ ഹൃദയം കവർന്നവൻ'; സീമ വിനീത് വിവാഹിതയാവുന്നു

പ്രമുഖ സെലിബ്രിറ്റി മേക്കപ്പ് ആർട്ടിസ്റ്റും ട്രാൻസ്ജെൻഡറുമായ സീമ വിനീത് വിവാഹിതയാവുന്നു. നിശാന്താണ് വരൻ.

സോഷ്യൽ മീഡിയയിലൂടെ സീമ തന്നെയാണ് വിവാഹനിശ്ചയം കഴിഞ്ഞ വിവരം പങ്കുവച്ചത്.

അടുത്ത കുടുംബാം​ഗങ്ങളും സുഹൃത്തുക്കളുമാണ് ചടങ്ങിൽ പങ്കെടുത്തത്.

‘എന്റെ ഹൃദയം കവർന്നയാളെ കണ്ടെത്തി’ എന്ന കുറിപ്പോടെയാണ് സീമ വിനീത് തന്നെയാണ് ചിത്രങ്ങൾ പങ്കുവച്ചത്.

കസവു സാരിയിൽ അതിസുന്ദരിയായിരുന്നു സീമ. കസവ് കുർത്തയും മുണ്ടുമായിരുന്നു നിശാന്തിന്റെ വേഷം.

വിവാഹ തീയതിയും വരന്റെ വിശദാംശങ്ങളും വ്യക്തമാക്കിയിട്ടില്ല.

സീമയ്ക്കും നിശാന്തിനും ആശംസകളുമായി നിരവധി പേരാണ് എത്തുന്നത്.