സമകാലിക മലയാളം ഡെസ്ക്
തെന്നിന്ത്യന്‍ താരസുന്ദരി സാമന്തയുടെ 37ാം ജന്മദിനമാണ് ഇന്ന്
മലയാളിയായ നൈനെറ്റിനും തെലുങ്കനായ ജോസഫ് പ്രഭുവിനും 1987 ഏപ്രില്‍ 28നാണ് സാമന്ത പിറക്കുന്നത്. ജൊനാദ്, ഡേവിഡ് എന്നീ സഹോദരന്മാര്‍ സാമന്തയ്ക്കുണ്ട്
മോഡലിങ്ങില്‍ സജീവമായിരുന്ന സാമന്ത 2010ലാണ് സിനിമയിലേക്ക് ചുവടുവെക്കുന്നത്. ഗൗതം വാസുദേവ് മേനോന്റെ യേ മായെ ചേസവെ ആയിരുന്നു ആദ്യ ചിത്രം
പിന്നീട് ഒന്നിനു പിറകെ ഒന്നായി സിനിമകളെല്ലാം ഹിറ്റായതോടെ തെന്നിന്ത്യയിലെ മുന്‍ നിര താരമായി സാമന്ത
തന്റെ ആദ്യ സിനിമയിലെ നായകനായിരുന്ന നാഗ ചൈതന്യയുമായി താരം പ്രണയത്തിലാവുകയും 2017ല്‍ ഇരുവരും വിവാഹം ചെയ്യുകയും ചെയ്തു.
ഇൻസ്റ്റഗ്രാംനാലാം വിവാഹവാര്‍ഷികത്തിന് ദിവസങ്ങള്‍ ബാക്കി നില്‍ക്കെയാണ് സാമന്ത നാഗ ചൈതന്യയുമായുള്ള ബന്ധം വേര്‍പിരിഞ്ഞതായി അറിയിക്കുന്നത്.
ഫാമിലി മാനിലൂടെ ബോളിവുഡിലേക്ക് അരങ്ങേറ്റം കുറിച്ചു. പുഷ്പയിലെ ഐറ്റം സോങ്ങിലൂടെ താരം ദേശിയ ശ്രദ്ധനേടിയിരിക്കെയാണ് 2022ല്‍ ഓട്ടോ ഇമ്യൂണിറ്റി ഡിസോഡറായ മയോസിറ്റിസ് ബാധിക്കുന്നത്.
സിനിമതിരക്കില്‍ നിന്ന് ഇടവേളയെടുത്ത് ആരോഗ്യം ശ്രദ്ധിക്കുകയാണ് താരമിപ്പോള്‍. 37ാം പിറന്നാള്‍ ദിനത്തില്‍ സിനിമയിലേക്കുള്ള തിരിച്ചുവരവുകൂടി പ്രഖ്യാപിച്ചിരിക്കുകയാണ് താരം.