സമകാലിക മലയാളം ഡെസ്ക്
വ്യായാമം ചെയ്യുന്നതിന് മുന്നേ പ്രോട്ടീന്‍ അടങ്ങിയ നല്ല ഭക്ഷണം കഴിക്കേണ്ടത് അത്യാവശ്യമാണ്. ജിമ്മിലേക്ക് ഓടുന്നതിന് മുന്‍പ് കഴിക്കാന്‍ പറ്റിയ പ്രീ വര്‍ക്കൗട്ട് പ്രോട്ടീന്‍ ഡ്രിങ്കുകള്‍ നോക്കാം
ബനാന-ബദാം മിൽക്‌ഷേക്ക്
വർക്കൗട്ട് ചെയ്യുന്നതിന് മുമ്പ് ഊർജം വർധിപ്പിക്കുന്നതിനുള്ള ഏറ്റവും മികച്ച ലഘുഭക്ഷണമാണ് ഏത്തപ്പഴം. വ്യായാമത്തിന് മുന്നോടിയായി ഏത്തപ്പവും ബദാമും ഉപയോഗിച്ച് ഒരു പവര്‍ ഡ്രിങ്ക് കുടിക്കുന്നത് ദിവസം മുഴുവന്‍ ഊര്‍ജ്ജത്തോടെ ഇരിക്കാന്‍ സഹായിക്കും. ഏത്തപ്പഴം, പാല്‍, രണ്ട് മൂന്ന് ടേബിള്‍ സ്പൂണ്‍ ബദാം, വെണ്ണ എന്നിവ ചേര്‍ത്ത് ഡ്രിങ്ക് ഉണ്ടാക്കാം.
മിക്സഡ് ബെറി സ്മൂത്തി
ബെറികൾ ആൻ്റിഓക്‌സിഡൻ്റുകളാൽ സമ്പന്നമാണ്. അവയിൽ നാരുകൾ ധാരാളം അടങ്ങിയിട്ടുണ്ട്. വ്യായാമത്തിന് മുന്നോടിയായി ഊർജം വർധിപ്പിക്കാൻ കുടിക്കാൻ മികച്ച ഡ്രിങ്ക് ആണ് മിക്സഡ് ബെറി സ്മൂത്തി.സ്ട്രോബെറി, ബ്ലൂബെറി, റാസ്ബെറി, ഫ്ളാക്സ് സീഡുകൾ, പാൽ എന്നിവ ചേർത്ത് ഈ ഡ്രിങ്ക് വീട്ടിൽ തന്നെ ഉണ്ടാക്കാം.
തൈരും ഓട്സ് സ്മൂത്തി
പോഷകസമൃദ്ധമായ ചേരുവകളാണ് ഓട്സും തൈരും. വ്യായാമത്തിന് മുന്നോടിയായി കുടിക്കാവുന്ന ഏറ്റവും മികച്ച ഡ്രിങ്ക് ആണ് ഇത്. രണ്ട് ടേബിൾസ്പൂൺ ഓട്സ്, ഒരു ടേബിൾസ്പൂൺ തൈര്, കുറച്ച് തേങ്ങാപ്പാൽ എന്നിവ ഒരു ബ്ലെൻഡറിൽ യോജിപ്പിക്കുക. വറുത്ത ചിയ വിത്തുകളും തേനും ചേർത്ത്. 30 മുതൽ 40 മിനിറ്റ് വരെ ഫ്രീസ് ചെയ്ത ശേഷം കഴിക്കാവുന്നതാണ്.
പീനട് ബട്ടർ സ്മൂത്തി
രുചിയിൽ മാത്രമല്ല പീനട് ബട്ടർ ഊർജം നിലർത്താനും സഹായിക്കും. മികച്ച പ്രോട്ടീൻ പ്രീ-വർക്കൗട്ട് ഡ്രിങ്ക് ആയി പീനട് ബട്ടർ സ്മൂത്തി കുടിക്കാവുന്നതാണ്. രണ്ട് ടേബിൾസ്പൂൺ പീനട്ട് ബട്ടറും ഒരു കപ്പ് സോയ പാലും മിക്‌സ് ചെയ്ത് എടുത്താൽ പീനട് ബട്ടർ സ്മൂത്തി റെഡി.
ഇൻസ്റ്റന്റ് കോഫി സ്മൂത്തി
എനർജി ലെവൽ വർധിപ്പിക്കുന്നതിന് മികച്ച പ്രീ-വർക്കൗട്ട് ഡ്രിങ്ക് ആണ് കോഫി. പ്രോട്ടീൻ പൗഡറിനൊപ്പം ബദാം വെണ്ണയും കോഫിയും ചേർത്തുണ്ടാക്കുന്ന മികച്ച് പ്രീ-വർക്കൗട്ട് ഡ്രിങ്ക് ആണ് ഇൻസ്റ്റന്റ് കോഫി സ്മൂത്തി.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates