സമകാലിക മലയാളം ഡെസ്ക്
ശ്വസന വ്യായാമം
ഉയര്‍ന്ന ഉത്കണ്ഠയെ തുടര്‍ന്നുണ്ടാകുന്ന പാനിക് അറ്റാക് പ്രതിരോധിക്കാന്‍ ശ്വസന വ്യായാനം സഹായിക്കും. ദീര്‍ഘമായ ശ്വാസമെടുത്ത് അല്‍പ നേരം പിടിച്ചുവെച്ച ശേഷം പതിയെ ശ്വാസം പുറത്തേക്ക് വിടുക. ഇത് കുറഞ്ഞത് നാല് തവണയെങ്കിലും ചെയ്യുന്നത് ഹൃദയമിടിപ്പ് നിയന്ത്രിക്കാന്‍ സഹായിക്കും.
ശാരീരിക പ്രവര്‍ത്തനം
നടത്തം പോലുള്ള ശാരീരിക പ്രവര്‍ത്തനങ്ങള്‍ ഉത്കണ്ഠയെ പെട്ടെന്ന് പിടിച്ചു നിര്‍ത്താന്‍ സഹായിക്കും. പ്രകൃതിക്കൊപ്പം നടക്കുന്നത് എന്‍ഡോര്‍ഫിന്‍ എന്ന ഹോര്‍മോണ്‍ ഉല്‍പാദിപ്പിക്കാന്‍ സഹായിക്കും. ഇത് മാനസികാവസ്ഥ മാറ്റുന്നതിനും ഉത്കണ്ഠ പിടിച്ചു നിര്‍ത്താനും സഹായിക്കും.
സംഗീതം കേള്‍ക്കാം
ഉത്കണ്ഠ ഉണ്ടാക്കുന്ന ചിന്തകളില്‍ നിന്ന് പെട്ടെന്ന് പുറത്തു കടക്കാന്‍ സഹായിക്കുന്ന ഒരു മാര്‍ഗമാണ് സംഗീതം കേള്‍ക്കുന്നത്. ഇത് നിങ്ങളുടെ മാനസികാവസ്ഥ ശാന്തമാക്കുന്നതിനൊപ്പം ഉത്കണ്ഠ അകറ്റാനും സഹായിക്കും.
മധുരമുള്ള കഴിക്കാം
ഉത്കണ്ഠയെ അകറ്റാന്‍ മധുരം കഴിക്കുന്നത് ഗുണം ചെയ്യും. ചോക്ലേറ്റ്, മിഠായി, കേക്ക് പോലുള്ള മധുരം കഴിക്കുന്നത് ഫീല്‍ ഗുഡ് ഹോര്‍മോണ്‍ ആയ ഡോപ്പാമിൻ ഉല്‍പാദിപ്പിക്കാന്‍ സഹായിക്കുന്നു. ഇത് മാനസികാവസ്ഥ മെച്ചപ്പെടുത്തുന്നതിനൊപ്പം ഉത്കണ്ഠ കുറയ്ക്കാനും സഹായിക്കും.
പുസ്തകം വായിക്കാം
അറിവു സമ്പാദിക്കാന്‍ മാത്രമല്ല ആത്മനിയന്ത്രം പരിശീലിക്കാനും ഉത്കണ്ഠ കുറയ്ക്കാനും പുസ്ക വായന സഹായിക്കും. ഉത്കണ്ഠ ഉണ്ടാക്കുന്ന ചിന്തകളെ അകറ്റാന്‍ പുസ്ക വായനയിലൂടെ സാധിക്കും.
സ്ക്രീന്‍ ടൈം നിയന്ത്രിക്കുക
സ്മാര്‍ട്ട് ഫോണ്‍, ടെലിവിഷന്‍ പോലുള്ളവയില്‍ അമിതമായി സമയം ചെലവിഴിക്കുന്നത് ഉത്കണ്ഠയുമായി ബന്ധപ്പെട്ടിരിക്കുന്നു. സ്ക്രീന്‍ ടൈം നിയന്ത്രിക്കുന്നത് ഉത്കണ്ഠ കുറയ്ക്കാന്‍ സഹായിക്കും.
സുഗന്ധം
ലാവണ്ടര്‍ പോലുള്ള പൂക്കളുടെ സുഗന്ധം മാനസിനെ ശാന്തമാക്കാന്‍ സഹായിക്കുന്നു. ഇത് ഉത്കണ്ഠ, സമ്മര്‍ദം എന്നിവയെ കുറയ്ക്കും. മുറിയില്‍ സുഗന്ധമുള്ള മെഴുകുതിരി കത്തിക്കുന്നത് മികച്ച മാര്‍ഗമാണ്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates