സമകാലിക മലയാളം ഡെസ്ക്
കാന്‍ റെഡ്കാര്‍പ്പറ്റില്‍ അരങ്ങേറിയവരില്‍ ഏറ്റവും ശ്രദ്ധനേടിയ ഇന്ത്യന്‍ ഇന്‍ഫ്ലുവന്‍സറാണ് നാന്‍സി ത്യാഗി.
സ്വന്തമായി ഡിസൈന്‍ ചെയ്ത് തുന്നിയെടുത്ത വസ്ത്രം ധരിച്ചാണ് നാന്‍സി കാനില്‍ പങ്കെടുത്തത്.
പിങ്ക് ഫ്‌ളഫി ഗൗണ്‍ ധരിച്ചാണ് നാന്‍സി കാന്‍ റെഡ് കാര്‍പ്പറ്റില്‍ ചുവടുവച്ചത്. ഒരു മാസത്തോളമെടുത്ത് സ്വന്തമായി തുന്നിയെടുത്തതായിരുന്നു വസ്ത്രം.
തന്റെ ആദ്യ ലുക്കിലൂടെ തന്നെ ലോകശ്രദ്ധനേടാന്‍ നാന്‍സിക്കായി.
ലാവെന്റര്‍ നിറത്തിലുള്ള സാരിയാണ് താരം രണ്ടാമത്തെ ലുക്കില്‍ അണിഞ്ഞത്. കണ്ടമ്പററി സ്റ്റൈല്‍ നല്‍കിയാണ് താരം ഈ ലുക്ക് പ്രസന്റ് ചെയ്തത്.
ബ്ലാക്ക് കോര്‍സെറ്റ് ഡ്രെസ്സാണ് താരം മൂന്നാമതായി തെരഞ്ഞെടുത്തത്.
കാനിലൂടെ ഇന്റര്‍നാഷനലായിരിക്കുകയാണ് നാന്‍സി. ലോകത്തിലെ നിരവധി ഫാഷന്‍ ഇന്‍ഫ്‌ലുവന്‍സര്‍മാരാണ് നാന്‍സിയെ പ്രശംസിച്ചുകൊണ്ട് രംഗത്തെത്തുന്നത്.
ഉത്തര്‍പ്രദേശിലെ ചെറിയ ഗ്രാമത്തില്‍ നിന്നുള്ള ഹിന്ദി ഭാഷ മാത്രം അറിയാവുന്ന സാധാരണക്കാരിയില്‍ നിന്ന് ലോക ശ്രദ്ധ നേടുന്ന ഫാഷന്‍ ഐക്കണിലേക്കുള്ള നാന്‍സിയുടെ യാത്ര മനോഹരമാണ്.