സമകാലിക മലയാളം ഡെസ്ക്
ഭക്ഷണത്തിന്റെ രുചിയും മണവും കൂട്ടാൻ പൊതുവെ ഉപയോഗിക്കുന്ന സുഗന്ധവ്യഞ്ജനമാണ് ഗ്രാമ്പൂ. എന്നാൽ ഇവയിൽ അത്ഭുതകരമായ ആരോഗ്യ ഗുണങ്ങളും അടങ്ങിയിട്ടുണ്ട്.
ദിവസവും വെറും വയറ്റിൽ ഒന്നോ രണ്ടോ ഗ്രാമ്പൂ കഴിക്കുന്ന ശീലം നിങ്ങൾക്ക് നിരവധി ആരോഗ്യഗുണങ്ങൾ നൽകും.
യൂജെനോൾ
ഗ്രാമ്പൂവിൽ അടങ്ങിയ യൂജെനോൾ എന്ന സംയുക്തത്തിന് ആന്റി-ഇൻഫ്ലമേറ്ററി, ആന്റി-ഓക്സിഡന്റ് ഗുണങ്ങളുണ്ട്. ഇത് സന്ധിവാതം പോലുള്ള രോഗങ്ങൾ മൂലമുണ്ടാകുന്ന വീക്കം തടയാനും ഫ്രീ റഡിക്കലുകളെ ചെറുത്ത് ഹൃദ്രോഗം, പ്രമേഹം, ചില അർബുദങ്ങൾ തുടങ്ങിയവയുടെ അപകട സാധ്യത കുറയ്ക്കും.
ദന്തസംരക്ഷണം
ഗ്രാമ്പൂവിൽ അടങ്ങിയ ആന്റി-ബാക്ടീരിയൽ ഗുണങ്ങൾ വായ എപ്പോഴും ഫ്രഷ് ആയി സൂക്ഷിക്കാൻ സഹായിക്കും. കൂടാതെ പല്ലുവേദന സംഹാരിയായും കാലങ്ങളായി ഗ്രാമ്പൂ ഉപയോഗിച്ചുവരുന്നു. വായിലെ വീക്കം, ശിലാഫലകം, മോണ വീക്കം എന്നിവ കുറയ്ക്കാനും ഇത് സഹായിക്കും.
കരൾ
ഗ്രാമ്പൂ കഴിക്കുന്നതിലൂടെ കരളിന്റെ ആരോഗ്യം മെച്ചപ്പെടാന്‍ സഹായിക്കും. ഇതിൽ അടങ്ങിയ തൈമോൾ, യൂജെനോൾ സംയുക്തങ്ങൾ കരളിന് സംരക്ഷണം നൽകുന്നു. മാത്രമല്ല പുതിയ കോശവളർച്ച, കരൾ ഡീറ്റോക്സ് എന്നിവ പ്രോത്സാഹിപ്പിക്കുകയും ചെയ്യുന്നു.
പ്രമേഹം
പ്രമേഹത്തെ നിയന്ത്രിക്കാനും ഗ്രാമ്പൂ വെറും വയറ്റിൽ കഴിക്കുന്നത് നല്ലതാണ്. ഇത് ഇൻസുലിൻ പ്രതിരോധം കുറയ്ക്കുകയും ഇൻസുലിൻ സ്രവണം മെച്ചപ്പെടുത്തുന്നതിനും ബീറ്റാ സെൽ പ്രവർത്തനത്തിനും സഹായിക്കും.
ഓക്കാനം
മോണിങ് സിക്നസ് ഉള്ളവർക്ക് ഗ്രാമ്പൂ വെറും വയറ്റിൽ ചവയ്ക്കുന്നത് ഗുണം ചെയ്യും. ഗ്രാമ്പൂവിൽ അനസ്തെറ്റിക്, ആന്റി-സെപ്റ്റിക് ഗുണങ്ങൾ അടങ്ങിയിട്ടുണ്ട്. ഗ്രാമ്പുവിന്റെ നീര് ഉമിനീരുമായി കൂടിച്ചേരുമ്പോൾ ചില എൻസൈമുകൾ പുറത്തുവിടുന്നു, ഇത് ഓക്കാനം സംബന്ധിച്ച ലക്ഷണങ്ങൾ കുറയ്ക്കാൻ സഹായിക്കും.
ദഹനം
ഗ്രാമ്പൂ ദഹന എൻസൈമുകളുടെ ഉൽപാദനം പ്രോത്സാഹിപ്പിക്കുന്നു. ഇത് ദഹനത്തെ മെച്ചപ്പെടുത്തുകയും വായറ്റിലുണ്ടാകാവുന്ന അസ്വസ്ഥതകൾ ഒഴിവാക്കുകയും ചെയ്യുന്നു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
വാര്‍ത്തകള്‍ അപ്പപ്പോള്‍ ലഭിക്കാന്‍ സമകാലിക മലയാളം ആപ് ഡൗണ്‍ലോഡ് ചെയ്യുക