സമകാലിക മലയാളം ഡെസ്ക്
ദക്ഷിണാഫ്രിക്കയ്ക്കെതിരായ മൂന്നാം ടി20ല്‍ 56 പന്തില്‍ ഏഴു സിക്‌സിന്റെയും എട്ടു ഫോറിന്റെയും അകമ്പടിയോടെയാണ് തിലക് വര്‍മ 107 റണ്‍സ് നേടിയത്
സുരേഷ് റെയ്ന, രോഹിത് ശര്‍മ, കെഎല്‍ രാഹുല്‍, വിരാട് കോഹ്ലി, ദീപക് ഹൂഡ, സൂര്യകുമാര്‍ യാദവ്, ശുഭ്മാന്‍ ഗില്‍, യശ്വസി ജയ്സ്വാള്‍, ഋതുരാജ് ഗെയ്ക്വാദ്, അഭിഷേക് ശര്‍മ, സഞ്ജു സാംസണ്‍ എന്നിവര്‍ക്ക് ശേഷം ടി20യില്‍ സെഞ്ച്വറി നേടുന്ന 12-ാമത്തെ ഇന്ത്യന്‍ താരമാണ് തിലക് വര്‍മ.
യശ്വസിക്ക് ശേഷം ഇന്ത്യക്ക് വേണ്ടി ടി20യില്‍ സെഞ്ച്വറി നേടുന്ന പ്രായം കുറഞ്ഞ ബാറ്റര്‍ കൂടിയാണ് തിലക്. 2023 ഒക്ടോബര്‍ 3 ന് നേപ്പാളിനെതിരെ 49 പന്തില്‍ 100 റണ്‍സ് നേടുമ്പോള്‍ ജയ്‌സ്വാളിന് 21 വയസ്സും 279 ദിവസവുമായിരുന്നു പ്രായം. ആദ്യ ടി20 സെഞ്ച്വറി നേടുമ്പോള്‍ തിലകിന് 22 വയസ്സും 5 ദിവസവുമായിരുന്നു പ്രായം.
തിലക് വര്‍മ ദക്ഷിണാഫ്രിക്കയ്ക്കെതിരായ ടി20 മത്സരത്തില്‍ ഒരു ഇന്ത്യന്‍ ബാറ്റര്‍ നേടുന്ന ഏറ്റവും ഉയര്‍ന്ന വ്യക്തിഗത സ്‌കോര്‍ എന്ന റെക്കോര്‍ഡിന് ഒപ്പമെത്തി. ആദ്യ ടി20യില്‍ സഞ്ജു സാംസണും 107 റണ്‍സ് നേടിയിരുന്നു.
റെയ്ന, രോഹിത്, സൂര്യകുമാര്‍, സഞ്ജു എന്നിവര്‍ക്ക് ശേഷം ദക്ഷിണാഫ്രിക്കയ്ക്കെതിരെ ടി20യില്‍ സെഞ്ച്വറി നേടുന്ന അഞ്ചാമത്തെ ഇന്ത്യന്‍ താരമാണ് തിലക്.
സൂര്യ (ജൊഹാനസ്ബര്‍ഗ്, 2023), സഞ്ജു (ഡര്‍ബന്‍, 2024) എന്നിവര്‍ക്ക് ശേഷം ദക്ഷിണാഫ്രിക്കന്‍ മണ്ണില്‍ ടി20ല്‍ സെഞ്ച്വറി നേടുന്ന മൂന്നാമത്തെ ഇന്ത്യന്‍ താരം കൂടിയാണ് തിലക് വര്‍മ.
രോഹിത് (121-അഫ്ഗാനിസ്ഥാന്‍), അഭിഷേക് (100-സിംബാബ്വെ), സാംസണ്‍ (111-ബംഗ്ലാദേശ്, 107-ദക്ഷിണാഫ്രിക്ക) എന്നിവര്‍ക്ക് ശേഷം 2024ല്‍ ടി20യില്‍ സെഞ്ച്വറി നേടുന്ന നാലാമത്തെ ഇന്ത്യന്‍ താരമാണ് തിലക്
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
വാര്‍ത്തകള്‍ അപ്പപ്പോള്‍ ലഭിക്കാന്‍ സമകാലിക മലയാളം ആപ് ഡൗണ്‍ലോഡ് ചെയ്യുക