സമകാലിക മലയാളം ഡെസ്ക്
ആധാര്‍ അധിഷ്ഠിത തട്ടിപ്പുകള്‍ വര്‍ധിച്ച് വരുന്ന പശ്ചാത്തലത്തില്‍ സ്വകാര്യത സംരക്ഷിക്കാന്‍ യുഐഡിഎഐ അവതരിപ്പിച്ച ഫീച്ചറാണ് മാസ്‌ക്ഡ് ആധാര്‍.
സിലിക്കണ്‍ ഫിംഗര്‍പ്രിന്റുകളും അനധികൃതമായ ബയോമെട്രിക് ഡിവൈസുകളും ഉപയോഗിച്ച് വ്യക്തികളുടെ ആധാറുമായി ബന്ധിപ്പിച്ചിരിക്കുന്ന ബയോമെട്രിക്‌സിന്റെ വ്യാജപതിപ്പിന് രൂപം നല്‍കിയാണ് തട്ടിപ്പ് നടക്കുന്നത്. ഇത് തടയാന്‍ ബയോമെട്രിക്‌സ് ലോക്ക് ചെയ്യാനും മാസ്‌ക്ഡ് ആധാര്‍ പ്രയോജനപ്പെടുത്താനും ധനകാര്യസ്ഥാപനങ്ങള്‍ നിര്‍ദേശിച്ചിട്ടുണ്ട്.
ആധാര്‍ നമ്പറിലെ ചില അക്കങ്ങള്‍ മറച്ചുവെയ്ക്കുന്നതാണ് മാസ്‌ക്ഡ് ആധാര്‍. എന്നാല്‍ പേര്, ഫോട്ടോ, ക്യൂആര്‍ കോഡ് എന്നിവ കാണാന്‍ സാധിക്കും.
ലളിതമായി പറഞ്ഞാല്‍, സ്വകാര്യത പരിരക്ഷിക്കുന്നതിനും ആധാര്‍ നമ്പര്‍ ദുരുപയോഗം ചെയ്യുന്നത് തടയുന്നതിനുമായി ആധാര്‍ നമ്പറിന്റെ ആദ്യ എട്ട് അക്കങ്ങള്‍ക്ക് പകരം 'എക്‌സ്' എന്ന അക്ഷരം കാണിച്ച് മറച്ചുവെച്ചിരിക്കുന്ന ആധാര്‍ കാര്‍ഡിന്റെ ഒരു പതിപ്പാണ് മാസ്‌ക്ഡ് ആധാര്‍.
ആധാര്‍ നമ്പര്‍ നല്‍കേണ്ടി വരുന്ന അവസരത്തില്‍, മുഴുവന്‍ നമ്പറിന് പകരം മാസ്‌ക്ഡ് ആധാര്‍ നല്‍കാം, മെച്ചപ്പെട്ട സ്വകാര്യത പരിരക്ഷ ഇത് ഉറപ്പാക്കുന്നു.
മാസ്‌ക്ഡ് ആധാര്‍ പിഡിഎഫ് ഫോര്‍മാറ്റില്‍ ഡൗണ്‍ലോഡ് ചെയ്യാവുന്നതാണ്. യുഐഡിഎഐ വെബ്‌സൈറ്റ് ആയ https://uidai.gov.in/.ല്‍ കയറി മാസ്‌ക്ഡ് ആധാര്‍ ഡൗണ്‍ലോഡ് ചെയ്യുന്നതിനുള്ള സൗകര്യം ഒരുക്കിയിട്ടുണ്ട്.
അംഗീകൃത മൊബൈല്‍ നമ്പറില്‍ വരുന്ന ഒടിപി നല്‍കി വെരിഫിക്കേഷന്‍ പ്രക്രിയ പൂര്‍ത്തിയാക്കി മാസ്‌ക്ഡ് ആധാര്‍ ഡൗണ്‍ലോഡ് ചെയ്യാനുള്ള സംവിധാനമാണ് ഒരുക്കിയിരിക്കുന്നത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates