സമകാലിക മലയാളം ഡെസ്ക്
ശ്രീലങ്കക്കെതിരായ ടെസ്റ്റ് പോരിൽ റൂട്ടാണ് പരമ്പരയുടെ താരമായത്.
375 റൺസാണ് മൂന്ന് ടെസ്റ്റുകളിൽ നിന്നായി താരം അടിച്ചു കൂട്ടിയത്. റൂട്ടിന്റെ ആറാം മാൻ ഓഫ് ദി സീരീസ് പുരസ്കാരമാണിത്.
ഇതിഹാസ പേസർ ജെയിംസ് ആൻഡേഴ്സനൊപ്പം 5 മാൻ ഓഫ് ദി സീരീസ് പുരസ്കാരവുമായി റൂട്ട് റെക്കോർഡ് പങ്കിടുകയായിരുന്നു.
റെക്കോർഡ് പട്ടികയിൽ ഇന്ത്യൻ ബാറ്റിങ് ഇതിഹാസം സച്ചിന്‍ ടെണ്ടുല്‍ക്കറേയും റൂട്ട് മറികടന്നു. മൊത്തം പട്ടികയിൽ സച്ചിനൊപ്പം 5 പുരസ്കാരവുമായി നിൽക്കുകയായിരുന്നു റൂട്ട്.
മൊത്തം പട്ടികയിൽ റൂട്ട് ഇനി ആറാം സ്ഥാനത്ത്. വിൻഡീസിന്റെ മാൽക്കം മാർഷൽ, കർട്‌ലി ആംബ്രോസ്, ഓസീസ് താരം സ്റ്റീവ് വോ എന്നിവരും റൂട്ടിനൊപ്പമുണ്ട്.
11 പുരസ്കാരങ്ങളുമായി ഇതിഹാസ ലങ്കൻ സ്പിന്നർ മുത്തയ്യ മുരളീധരനാണ് ഒന്നാം സ്ഥാനത്ത്.
10 മാൻ ഓഫ് ദി സീരീസുമായി ഇന്ത്യൻ സ്പിന്നർ ആർ അശ്വിനാണ് രണ്ടാം സ്ഥാനത്ത്.
ദക്ഷിണാഫ്രിക്കൻ ഇതിഹാസം ജാക്വിസ് കാലിസാണ് പട്ടികയിൽ മൂന്നാമൻ. 9 മാൻ ഓഫ് ദി സീരീസ്.
പാക് താരം ഇമ്രാൻ ഖാൻ, ന്യൂസിലൻഡിന്റെ റിച്ചാർഡ് ഹാഡ്‌ലി, ഓസ്‌ട്രേലിയയുടെ ഷെയ്ൻ വോൺ എന്നിവർക്ക് 8 അവാർഡുകൾ. വസിം അക്രം, ചന്ദർപോൾ എന്നിവർ 7 തവണയും അവാർഡ് നേടി.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
വാര്‍ത്തകള്‍ അപ്പപ്പോള്‍ ലഭിക്കാന്‍ സമകാലിക മലയാളം ആപ് ഡൗണ്‍ലോഡ് ചെയ്യുക