സമകാലിക മലയാളം ഡെസ്ക്
പ്രണയം തുറന്നു പറയാന്‍ ആഗ്രഹിക്കുന്നവര്‍ക്കും പ്രണയിക്കുന്നവര്‍ക്കും പ്രണയം പുതുക്കാന്‍ ആഗ്രഹിക്കുന്നവര്‍ക്കുമൊക്കെയായി ഒരു ദിനം. ഫെബ്രുവരി 14ന് ലോകത്തെ വിവിധ ഭാഗങ്ങളില്‍ വാലന്റൈന്സ് ഡേ ആഘോഷിക്കുന്നു. നിങ്ങളുടെ വാലന്റൈന്സ് ഡേ വ്യത്യസ്തമാക്കാന്‍ ചില ഐഡിയകള്‍ ഇതാ...
കത്തെഴുതാം
കത്തുകള്‍ എഴുതുന്നത് ഒരു പഴഞ്ചന്‍ ഏര്‍പ്പാടാണെന്ന് തോന്നാമെങ്കിലും ഈ വാലന്റൈന്സ് ഡേ സ്‌പെഷ്യല്‍ ആക്കാന്‍ നിങ്ങളുടെ സ്വന്തം കൈപ്പടയില്‍ എഴുത്തുന്ന കത്തുകള്‍ സഹായിക്കും. ഇന്‍സ്റ്റഗ്രാമിലോ വാട്‌സ്ആപ്പിലോ സ്‌നാപ്ചാറ്റിലോ ഫോര്‍വേഡഡ് സന്ദേശം അയക്കുന്നതിന്റെ പത്തിരട്ടി സന്തോഷം കൈമാറാന്‍ ഈ പ്രേമലേഖനങ്ങള്‍ക്ക് ആകും.
ഡിന്നര്‍ വീട്ടിലാക്കാം
മെഴുകുതിരി വെളിച്ചവും സംഗീതവുമൊക്കെയായി റൊമാന്റിക് മൂഡില്‍ വീട്ടില്‍ തന്നെ ഡിന്നര്‍ സെറ്റ് ചെയ്താലോ? വാലന്റൈന്സ് ദിനത്തില്‍ പങ്കാളിക്ക് അവരുടെ ഇഷ്ട വിഭവം തയ്യാറാക്കി നല്‍കാം.
മെമ്മറി ജാര്‍
പ്രണയം മധുരമുള്ള പൈങ്കിളി ഓര്‍മകളാണ്. അവയെ ഓര്‍ത്തെടുത്ത് വിശദീകരിച്ച് ചെറിയ നോട്ടുകളാക്കി മെമ്മറി ജാറില്‍ സൂക്ഷിക്കാം. ഇത് നിങ്ങളുടെ വാലന്റൈന്സ് ഡേ സ്‌പെഷ്യല്‍ ആക്കും.
കൂപ്പണ്‍ ബുക്ക്
മൂവ് നൈറ്റ്, യെസ് ഡേ, ബ്രേക്ക്ഫാസ്റ്റ് ഇന്‍ ബെഡ്, ഒന്നിച്ചുള്ള കുക്കിങ് എന്നിങ്ങനെ ഒരുമിച്ച് സന്തോഷത്തോടെ ചെലവഴിക്കുന്നതിന് ഇത്തരം കാര്യങ്ങള്‍ ഉള്‍പ്പെടുത്തി ഒരു വ്യക്തിഗത ബുക്ക് കൂപ്പണ്‍ തയ്യാറാക്കാം.
ഫസ്റ്റ് ഡേറ്റ് റീക്രിയേറ്റ് ചെയ്യാം
നിങ്ങള്‍ക്ക് നിങ്ങളുടെ ഫസ്റ്റ് ഡേറ്റ് ഓര്‍മയില്ലേ? ആശങ്കയും സന്തോഷവും പ്രണയവും നിറഞ്ഞ ആ നിമിഷം ഒന്നു കൂടി റീക്രിയേറ്റ് ചെയ്യുന്നത് നിങ്ങളിലെ പ്രണയത്തെ ശക്തിപ്പെടുത്താനും സന്തോഷമുള്ളവരാക്കാനും സഹായിക്കും.
ക്വാളിറ്റി ടൈം
ആഘോഷവും ആരവവുമില്ലാതെ പങ്കാളിക്കൊപ്പം അല്‍പം ക്വാളിറ്റി ടൈം ചെലവഴിക്കുന്നത് നിങ്ങളുടെ വാലന്റൈന്സ് ഡേ സ്‌പെഷ്യല്‍ ആക്കും.
ഫോട്ടോസ്‌ക്രാപ് ബുക്ക്
ചിത്രങ്ങള്‍ പ്രണയ നിമിഷങ്ങളെ ഓര്‍മപ്പെടുത്തും. പ്രിയപ്പെട്ട ഓർമകളുടെ ഒരു സ്ക്രാപ്പ്ബുക്കോ ഡിജിറ്റൽ കൊളാഷോ തയ്യാറാക്കുന്നത് നിങ്ങളുടെ പ്രണയം ശക്തമാക്കും.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates