'അടിക്കുറിപ്പുകളുടെ റാണി'! ഇത്തവണയും അനുമോളുടെ ക്യാപ്ഷൻ ഹിറ്റ്

മലയാളികളുടെ പ്രിയ നടിമാരിലൊരാളാണ് അനുമോൾ.

സോഷ്യൽ മീഡിയയിൽ വളരെ സജീവമാണ് നടി. തന്റെ വിശേഷങ്ങളെല്ലാം ആരാധകരുമായി പങ്കുവയ്ക്കാറുമുണ്ട് അനുമോൾ.

വ്യത്യസ്തമാർന്ന ഫോട്ടോഷൂട്ടുകളും അനുമോൾ ചെയ്യാറുണ്ട്.

കഴിഞ്ഞ ദിവസം മാലി ദ്വീപിൽ നിന്നുള്ള അവധിക്കാല ചിത്രങ്ങളും അനുമോൾ പങ്കുവച്ചിരുന്നു.

എന്നാൽ ഫോട്ടോകളേക്കാളേറെ അനുമോൾ ചിത്രങ്ങൾക്ക് നൽകുന്ന ക്യാപ്ഷനുകളാണ് ​ഹിറ്റായി മാറാറ്. പലപ്പോഴും പ്രണയത്തെക്കുറിച്ചാണ് അനുമോൾ ക്യാപ്ഷൻ കുറിക്കാറും.

പുതിയ ചിത്രങ്ങൾക്ക് അനുമോൾ കുറിച്ചിരിക്കുന്ന ക്യാപ്ഷനുകളും ആരാധകരുടെ കൈയടി നേടുകയാണ്.

'മൗനവും ഒരു ഭാഷയാണ്! വാതോരാതെ പറഞ്ഞിട്ടും മനസ്സിലാക്കാതെ പോയവർക്കുള്ള അവസാന ഭാഷ!'- എന്നാണ് അനുമോൾ കുറിച്ചിരിക്കുന്നത്.

'ജീവിക്കാൻ പ്രേരിപ്പിക്കുന്ന ഭൂമിയിലെ ഏതു കാരണത്തെയും പ്രണയം എന്നു വിളിക്കാം'.- എന്നാണ് മറ്റൊരു ചിത്രത്തിന് നടി ക്യാപ്ഷനായി കുറിച്ചിരിക്കുന്നത്.