എ എം
ഓഹരി വിപണിയില്‍ ( share market) പത്തു മുന്‍നിര കമ്പനികളില്‍ എട്ടെണ്ണത്തിന്റെ വിപണി മൂല്യത്തില്‍ വൻഇടിവ്. 1,65,501.49 കോടിയുടെ നഷ്ടമാണ് രേഖപ്പെടുത്തിയത്
വെള്ളിയാഴ്ച അവസാനിച്ച ആഴ്ചയില്‍ സെന്‍സെക്‌സ് 1070 പോയിന്റ് ആണ് താഴ്ന്നത്. 1.30 ശതമാനത്തിന്റെ ഇടിവാണ് രേഖപ്പടുത്തിയത്.
എച്ച്ഡിഎഫ്‌സി ബാങ്ക് ആണ് ഏറ്റവുമധികം നഷ്ടം നേരിട്ടത്. വിപണി മൂല്യത്തില്‍ 47,075 കോടിയുടെ നഷ്ടമാണ് ഉണ്ടായത്. 14,68,777 കോടിയായാണ് വിപണി മൂല്യം താഴ്ന്നത്
ഐസിഐസിഐ ബാങ്കിന് 30,677 കോടിയുടെ നഷ്ടമാണ് ഉണ്ടായത്. 10,10, 375 കോടിയായാണ് വിപണി മൂല്യം താഴ്ന്നത്.
റിലയന്‍സ് 21,516 കോടി, എസ്ബിഐ 18,250 കോടി, ഹിന്ദുസ്ഥാന്‍ യൂണിലിവര്‍ 16,388 കോടി, ഭാരതി എയര്‍ടെല്‍ 15,481 കോടി, എല്‍ഐസി 13,693 കോടി, ബജാജ് ഫിനാന്‍സ് 2,417 കോടി എന്നിങ്ങനെയാണ് മറ്റു കമ്പനികളുടെ വിപണി മൂല്യത്തില്‍ ഉണ്ടായ ഇടിവ്
ടിസിഎസ്, ഇന്‍ഫോസിസ് എന്നി കമ്പനികള്‍ നേട്ടം ഉണ്ടാക്കി. വിപണി മൂല്യത്തില്‍ യഥാക്രമം 22,215 കോടി, 15,578 കോടി എന്നിങ്ങനെയാണ് കമ്പനികള്‍ നേട്ടം കൊയ്തത്.
വിപണി മൂല്യത്തില്‍ റിലയന്‍സ് തന്നെയാണ് ഒന്നാമത്. രണ്ടാം സ്ഥാനത്ത് എച്ച്ഡിഎഫ്‌സി ബാങ്ക് ആണ്. ഭാരതി എയര്‍ടെല്‍, ഐസിഐസിഐ ബാങ്ക്, എസ്ബിഐ എന്നിവയാണ് തൊട്ടുപിന്നില്‍
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates