സമകാലിക മലയാളം ഡെസ്ക്
വെസ്റ്റ് ഇന്‍ഡീസിനെതിരായ ആദ്യ ടെസ്റ്റില്‍ രണ്ടിന്നിങ്‌സിലുമായി 3 വിക്കറ്റുകളാണ് ഓസ്‌ട്രേലിയന്‍ ക്യാപ്റ്റന്‍ പാറ്റ് കമ്മിന്‍സ് വീഴ്ത്തിയത്.
ഏറ്റവും കൂടുതല്‍ വിക്കറ്റ് വീഴ്ത്തുന്ന ഓസ്‌ട്രേലിയന്‍ ക്യാപ്റ്റനെന്ന റെക്കോര്‍ഡിനു പിന്നാലെ മറ്റൊരു അപൂര്‍വ നേട്ടവും താരം സ്വന്തമാക്കി.
ടെസ്റ്റ് ക്രിക്കറ്റ് ചരിത്രത്തില്‍ എതിര്‍ ടീം നായകന്‍മാരെ ഏറ്റവും കൂടുതല്‍ തവണ പുറത്താക്കിയ ക്യാപ്റ്റനായും കമ്മിന്‍സ് മാറി.
ഒന്നാം ടെസ്റ്റിന്റെ ഒന്നാം ഇന്നിങ്‌സില്‍ വിന്‍ഡീസിന്റെ പുതിയ ടെസ്റ്റ് ക്യാപ്റ്റന്‍ റോസ്റ്റന്‍ ചെയ്‌സിന്റെ വിക്കറ്റ് കമ്മിന്‍സിനായിരുന്നു.
ഇന്ത്യന്‍ ടെസ്റ്റ് ക്യാപ്റ്റനായിരുന്ന രോഹിത് ശര്‍മയെയാണ് കമ്മിന്‍സ് കരിയറില്‍ ഏറ്റവും കൂടുതല്‍ തവണ പുറത്താക്കിയ നായകന്‍. 6 തവണ.
ദക്ഷിണാഫ്രിക്കന്‍ ക്യാപ്റ്റനായിരുന്ന ഡീന്‍ എല്‍ഗാര്‍, വിന്‍ഡീസ് മുന്‍ ക്യാപ്റ്റന്‍ ക്രെയ്ഗ് ബ്രാത്‌വെയ്റ്റ്, മുന്‍ കിവി ക്യാപ്റ്റന്‍ ടിം സൗത്തി എന്നിവരെ രണ്ട് തവണയും മടക്കി.
നിലവിലെ ഇംഗ്ലണ്ട് ക്യാപ്റ്റന്‍ ബെന്‍ സ്റ്റോക്‌സ്, ദക്ഷിണാഫ്രിക്ക നായകന്‍ ടെംബ ബവുമ എന്നിവരേയും താരം രണ്ട് തവണ പുറത്താക്കിയിട്ടുണ്ട്.
മുന്‍ ഇംഗ്ലണ്ട് ക്യാപ്റ്റന്‍ ജോ റൂട്ട്, പാകിസ്ഥാന്റെ ഷാന്‍ മസൂദ്, ഇന്ത്യയെ ഓസീസില്‍ നയിച്ച ജസ്പ്രിത് ബുംറ എന്നിവരെ ഓരോ തവണ മടക്കി.
ഓസീസ് നായക സ്ഥാനമേറ്റ ശേഷം കമ്മിന്‍സ് 140 ടെസ്റ്റ് വിക്കറ്റുകളാണ് സ്വന്തമാക്കിയത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates