എച്ച് പി
മുംബൈയിലെ ജിയോ വേൾഡ് കൺവൻഷൻ സെൻ്ററിൽ നടക്കുന്ന ഇന്ത്യയിലെ ആദ്യത്തെ വേൾഡ് ഓഡിയോ വിഷ്വൽ ആൻ്റ് എൻ്റർടെയ്ൻമെൻ്റ് സമ്മിറ്റിൽ നിരവധി താരങ്ങളാണ് പങ്കെടുത്തത്.
പ്രധാനമന്ത്രി നരേന്ദ്ര മോദി ഉദ്ഘാടനം ചെയ്ത വേവിസ് സമ്മിറ്റിൽ മോഹൻലാൽ, രജനികാന്ത്, ഷാരുഖ് ഖാൻ, അക്ഷയ് കുമാർ, ദീപിക പദുക്കോൺ തുടങ്ങി നിരവധി പേർ എത്തിയിരുന്നു.
നടി ആലിയ ഭട്ടും ചടങ്ങിൽ അതിഥിയായെത്തിയിരുന്നു.
സമ്മിറ്റിൽ പങ്കെടുത്ത ആലിയ ഭട്ടിന്റെ മാഹാരാഷ്ട്രിയൻ സ്റ്റൈലിലുള്ള ലുക്കാണ് ഫാഷൻ പ്രേമികൾ ഏറ്റെടുത്തിരിക്കുന്നത്.
മെയ് 1 മഹാരാഷ്ട്രിയൻ ദിനമായി ആഘോഷിക്കപ്പെടുന്നു. ഈ ദിനത്തോടുള്ള ആദര സൂചകമായിട്ടാണ് ആലിയ ഈ ലുക്ക് തിരഞ്ഞെടുത്തത്.
ഫ്ലോറൽ ബോർഡർ പ്രിൻ്റോടു കൂടിയ പൈത്താണി സാരിയാണ് ആലിയ അണിഞ്ഞിരിക്കുന്നത്. പൂർണമായും കൈത്തറിയിലാണ് ഇത് നെയ്തെടുത്തിരിക്കുന്നത്.
പച്ചക്കല്ലുകൾ പതിപ്പിച്ച കമ്മലുകൾ മാത്രമാണ് ആലിയ ലുക്കിനായി ഉപയോഗിച്ചിരിക്കുന്നത്.
'സിനിമ മുതൽ ഗെയിമിങ് വരെ, കരകൗശല വസ്തുക്കൾ മുതൽ സാങ്കേതികവിദ്യ വരെ... നമ്മുടെ കഥകൾ, നമ്മുടെ കഴിവുകൾ, നമ്മുടെ കാഴ്ചപ്പാടുകൾ. നയിക്കാൻ തയ്യാറാണ്'- എന്നാണ് ചിത്രങ്ങൾക്കൊപ്പം ആലിയ കുറിച്ചിരിക്കുന്നത്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
വാര്‍ത്തകള്‍ അപ്പപ്പോള്‍ ലഭിക്കാന്‍ സമകാലിക മലയാളം ആപ് ഡൗണ്‍ലോഡ് ചെയ്യുക
ടെലഗ്രാം ചാനൽ സബ്സ്ക്രൈബ് ചെയ്യാൻ ക്ലിക്ക് ചെയ്യൂ