സമകാലിക മലയാളം ഡെസ്ക്
പുതിയ കാലത്തെ അടക്കളകളില്‍ ഒരു ട്രെന്‍ഡ് ആയി മാറിയിരിക്കുകയാണ് എയര്‍ ഫ്രൈയര്‍. എണ്ണ ഉപയോഗിക്കാതെ ഭക്ഷണം ഫ്രൈ ചെയ്ത് എടുക്കാമെന്നതാണ് എയര്‍ ഫ്രൈയറിന്റെ ഗുണം. പരമ്പരാഗതമായി വറുക്കുന്ന രീതിയുമായി താരതമ്യം ചെയ്യുമ്പോൾ എയർ ഫ്രൈയറിൽ വറുക്കുമ്പോൾ കൊഴുപ്പിൻ്റെ അളവ് കുറയും.
എന്നാല്‍ എല്ലാത്തരം ഭക്ഷണങ്ങളും എയര്‍ ഫ്രൈയറില്‍ പാകം ചെയ്യാന്‍ കഴിയില്ല. ചില ഭക്ഷണങ്ങള്‍ എയര്‍ ഫ്രൈയറില്‍ അബദ്ധമായേക്കും. അത് ഭക്ഷണത്തിന്റെ രുചി, ഘടന മാത്രമല്ല ഉപകരണത്തെ തന്നെ മോശമാക്കാം.
മാവില്‍ മുക്കി വറുക്കരുത്
കടലമാവില്‍ ഉള്ളിയും മുളകുമൊക്കെ മുക്കി എയര്‍ ഫ്രൈയറില്‍ ബജ്ജിയുണ്ടാക്കാമെന്ന് കരുതിയാല്‍ അത് വലിയ അബദ്ധമായിരിക്കും. ഇവ ചൂടു എണ്ണയിലേക്ക് ഒഴിക്കുമ്പോള്‍ മാവ് പെട്ടെന്ന് തന്നെ സെറ്റ് ആവുകയും നല്ല ക്രിസ്പി ആയ ബജ്ജികള്‍ ഉണ്ടാവുകയും ചെയ്യുന്നു. എന്നാല്‍ മാവ് എയര്‍ ഫ്രയറിലേക്ക് ഒഴിക്കുമ്പോള്‍ അത് പാകമാകുന്നതിന് മുന്‍പ് തന്നെ സുക്ഷിരങ്ങളിലൂടെ പുറത്തു വരാനും ഇത് ഭക്ഷണത്തിന്റെ രുചിയെയും ഘടനെയും മാറ്റുമെന്ന് മാത്രമല്ല, വൃത്തിയാക്കാനും പ്രയാസമായിരിക്കും.
ചീസ്
ചീസ് എയര്‍ ഫ്രൈയറില്‍ പകം ചെയ്യുമ്പോള്‍ സൂക്ഷിക്കണം. ചീസ് പെട്ടെന്ന് ഉരുകി പോകുന്നു. ഇത് ബാസ്‌ക്കറ്റിലൂടെ ഊര്‍ന്നു ഇറങ്ങുന്നു. ഇത് ഉപകരണത്തെയും ഭക്ഷണത്തെയും മോശമാക്കാം.
ഇലക്കറികള്‍
കോളിഫ്ലവര്‍, കാരറ്റ് പോലുള്ളവ എയര്‍ ഫ്രൈയറില്‍ മികച്ച രീതിയില്‍ പാകം ചെയ്‌തെടുക്കാം. എന്നാല്‍ ചീര, കേല പോലുള്ള ഇലക്കറികള്‍ എയര്‍ ഫ്രയറില്‍ പാകം ചെയ്യുമ്പോള്‍ ശ്രദ്ധിക്കണം. ഇവയ്ക്ക് കനം കുറവായതിനാല്‍ എയര്‍ ഫ്രൈയറിന്റെ ഫാനിന് ചുറ്റും പറ്റിപ്പിടിച്ചിരിക്കാന്‍ കാരണമായെക്കും. ഇത് ഭക്ഷണം കരിഞ്ഞു പോകാനുള്ള സാധ്യത കൂടുതലായിരിക്കും.
അരി അല്ലെങ്കില്‍ ധാന്യങ്ങള്‍
അരി അല്ലെങ്കില്‍ മറ്റ് ധാന്യങ്ങള്‍ വെള്ളത്തില്‍ വേവിക്കുന്നതാണ്. എന്നാല്‍ ഭക്ഷണം പാകം ചെയ്യുന്നതിന് വായുവിനെ ആണ് എയര്‍ ഫ്രയര്‍ ആശ്രയിക്കുന്നത്. അരി, പാസ്ത, ക്വിനോവ പോലുള്ള ധാന്യങ്ങള്‍ക്ക് യോജിക്കില്ല.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates