സമകാലിക മലയാളം ഡെസ്ക്
ബ്രേക്ക്ഫാസ്റ്റ് എന്തെങ്കിലും കഴിച്ചാല്‍ പോര! ഒരു ദിവസത്തിലെ ഏറ്റവും പ്രധാനപ്പെട്ട ഭക്ഷണമാണ് ബ്രേക്ക്ഫാസ്റ്റ്. ബ്രേക്ക്ഫാസ്റ്റില്‍ ഉള്‍പ്പെടുത്താവുന്ന മികച്ച ഓപ്ഷനുകള്‍ ഇതാ.
പുളിയില്ലാത്ത തൈര്
സ്മൂത്തിക്കൊപ്പവും ഓട്‌സിനൊപ്പവുമൊക്കെ പുളിയില്ലാത്ത തൈര് ബ്രേക്ക്ഫാസ്റ്റില്‍ ചേര്‍ക്കുന്നത് നല്ലതാണ്. ഇതില്‍ ഉയര്‍ന്ന അളവില്‍ പ്രോട്ടീന്‍, പ്രോബയോടിക്‌സ് എന്നിവ അടങ്ങിയിട്ടുണ്ട്. ഇത് കുടലിന്റെ ആരോഗ്യത്തിനും വയറിന് സംതൃപ്തി നല്‍കാനും സഹായിക്കും.
ബെറിപ്പഴങ്ങള്‍
ബ്ലൂ ബെറി, സ്‌ട്രോബെറി, റാസ്‌ബെറി പോലുള്ളവയില്‍ ആന്റിഓക്‌സിഡന്റുകളും വിറ്റാമിനുകളും ധാരാളം അടങ്ങിയിട്ടുണ്ട്. ഇത് സ്മൂത്തിക്കും ഓട്‌സിലും ചേര്‍ത്ത് ബ്രേക്ക്ഫാസ്റ്റില്‍ ഉള്‍പ്പെടുത്തുന്നത് ഇരട്ടി ഗുണം ചെയ്യും.
ചിയ സീഡുകള്‍
ബ്രേക്ക്ഫാസ്റ്റില്‍ ഉള്‍പ്പെടുത്താവുന്ന മറ്റൊരു സൂപ്പര്‍ഫുഡ് ആണ് ചിയ വിത്തുകള്‍. ഇവയില്‍ ഒമേഗ-3 ഫാറ്റി ആസിഡി, നാരുകള്‍, പ്രോട്ടീന്‍ എന്നിവ ധാരാളം അടങ്ങിയിട്ടുണ്ട്. ഓവര്‍നൈറ്റ് ഓട്സ്, സ്മൂത്തി എന്നിവയില്‍ ചേര്‍ത്ത് ചിയ സീഡ്‌സ് ബ്രേക്ക്ഫാസ്റ്റില്‍ ഉള്‍പ്പെടുത്താവുന്നതാണ്.
അവോക്കാഡോ
ആരോഗ്യകരമായ കൊഴുപ്പ്, നാരുകള്‍ എന്നിവ അവോക്കാഡോയില്‍ ധാരാളം അടങ്ങിയിട്ടുണ്ട്. ഇത് വയറിന് സംതൃപ്തി നല്‍കാനും ദഹനം മെച്ചപ്പെടുത്താനും സഹായിക്കും. സ്മൂത്തിക്കൊപ്പമോ അവോക്കാഡോ ടോസ്റ്റ് ആയോ അവോക്കാഡോ ബ്രേക്ക്ഫാസ്റ്റില്‍ ഉള്‍പ്പെടുത്താം.
ഓട്സ്
ബ്രേക്ക്ഫാസ്റ്റിന് പറ്റിയ മറ്റൊരു മികച്ച ഓപ്ഷനാണ് ഓട്സ്. നാരുകള്‍, കോംപ്ലക്‌സ് കാര്‍ബോഹൈഡ്രേറ്റ്‌സ് എന്നിവ അടങ്ങിയ ഓട്സ് രക്തത്തിലെ പഞ്ചസാരയുടെ അളവു ക്രമീകരിച്ചു നിര്‍ത്താന്‍ സഹായിക്കും.
മുട്ട
ബ്രേക്ക്ഫാസ്റ്റില്‍ മുട്ട ഉള്‍പ്പെടുത്തുന്നത് ആരോഗ്യകരമാണ്. മുട്ടയില്‍ അടങ്ങിയ പ്രോട്ടീന്‍, വിറ്റാമിനുകള്‍ ദിവസം മുഴുവന്‍ ഊര്‍ജ്ജനില നിലനിര്‍ത്താനും വയറിന് സംപ്തി നല്‍കാനും സഹായിക്കും.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates