ഈ പണി തുടര്‍ന്നാല്‍ ഹൃദയം പണിമുടക്കും

പുകവലി

പുകവലി ആരോഗ്യത്തിന് ഹാനികരമാണ്. അത് നിങ്ങളെ മാത്രമല്ല, നിങ്ങള്‍ക്ക് ചുറ്റുമുള്ളവരെ കൂടിയാണ് അപകടത്തിലാക്കുന്നത്. പുകവലിക്കുമ്പോള്‍ ഹൃദയധമനി തകരാറിലാവുകയും രക്തം കട്ടപിടിക്കാനും കാരണമാകും. ഇത് ഹൃദയാഘാത സാധ്യത വര്‍ധിപ്പിക്കുന്നു.

മദ്യപാനം

മദ്യപാന ശീലം രക്തസമ്മര്‍ദം ഉയരാനും ഹൃദയാഘാത സാധ്യത വര്‍ധിപ്പിക്കാനും കാരണമാകും. മദ്യപാനം പരിമിതപ്പെടുത്തുന്നത് നിങ്ങളുടെ ഹൃദയത്തെ മാത്രമല്ല മാനസികാവസ്ഥയെയും മെച്ചപ്പെടുത്തും.

അനാരോഗ്യകരമായ ഡയറ്റ്

കൊഴുപ്പ് ധാരാളം അടങ്ങിയ ഭക്ഷണം രക്തത്തില്‍ ചീത്ത കൊളസ്‌ട്രോള്‍ അളവു കൂടാനും ഹൃദയാഘാത സാധ്യത വര്‍ധിപ്പിക്കാനും കാരണമാകുന്നു.

ശാരീരിക പ്രവര്‍ത്തനം കുറയുന്നത്

ആരോഗ്യം നിലനിര്‍ത്തേണ്ടതിന് വ്യായാമം എത്രത്തോളം പ്രാധാന്യമാണെന്ന് നമ്മള്‍ക്ക് അറിയാം. ശാരീരികമായി സജീവമല്ലാതെയിരിക്കുന്നത് ഹൃദയാഘാത സാധ്യത വര്‍ധിപ്പിക്കുന്നു.

സോഡിയം അടങ്ങിയ ഭക്ഷണം

ഉര്‍ന്ന അളവില്‍ സോഡിയം (ഉപ്പ്) അടങ്ങിയ ഭക്ഷണം പതിവാക്കുന്നത് ഹൃദയാരോഗ്യം മോശമാക്കാനും ഹൃദയാഘാത സാധ്യത വര്‍ധിപ്പിക്കാനും കാരണമാകുന്നു.

ഉറക്കമില്ലായ്മ

ഉറക്കമില്ലായ്മ അല്ലെങ്കില്‍ ഗുണനിലവാരമില്ലാത്ത ഉറക്കം എന്നിവ ഹൃദയാരോഗ്യം തകിടം മറിക്കുമെന്ന് പറഞ്ഞാല്‍ വിശ്വസിക്കുമോ? കേള്‍ക്കുമ്പോള്‍ നിസാരമെന്ന് തോന്നാമെങ്കിലും ഉറക്കമില്ലായ്മ ഹോര്‍മോണ്‍ അസന്തുലനത്തിനും ഇത് ഹൃദയാഘാത്തിലേക്കും നയിക്കാം.

അമിതമായി ഭക്ഷണം കഴിക്കുന്നത്

അമിതമായി ഭക്ഷണം കഴിക്കുന്നത് ശരീരത്തില്‍ കലോറി വര്‍ധിക്കാനും ഇത് രക്തം കട്ടപിടിക്കാനുമുള്ള സാധ്യത വര്‍ധിപ്പിക്കുന്നു. ഇത് ഹൃദയാഘാതത്തിലേക്ക് നയിക്കാം.