ഈ അത്ഭുതം പിറന്നിട്ട് 70 വർഷം; തിളക്കം മങ്ങാതെ 'സെവൻ സമുറായി'

ലോകസിനിമ ചരിത്രത്തിലെ മികച്ച ചിത്രങ്ങളില്‍ ഒന്നായാണ് സെവന്‍ സമുറായി കണക്കാക്കുന്നത്.

വിശ്വവിഖ്യാത ജാപ്പനീസ് സംവിധായകന്‍ അകിര കുറസോവയാണ് ചിത്രം ഒരുക്കിയത്.

1954ല്‍ റിലീസ് ചെയ്ത ചിത്രം 70ാം വാര്‍ഷികം ആഘോഷിക്കുകയാണ്. ഏഴ് പതിറ്റാണ്ടായിട്ടും കുറസോവ മാജിക് ഇന്നും സിനിമ പ്രേമികളെ അമ്പരപ്പിക്കുകയാണ്.

1586ലെ സെന്‍ഗോകു കാലഘട്ടത്തിലെ ചരിത്രമാണ് സെവന്‍ സമുറായി പറയുന്നത്. തങ്ങളുടെ വിളവ് കൊള്ളയടിക്കാന്‍ വരുന്ന കൊള്ളക്കാരില്‍ നിന്ന് ഗ്രാമത്തെ രക്ഷിക്കാനായി സമുറായിയുടെ സഹായം തേടുകയാണ് ഗ്രാമവാസികള്‍.

ഗംഭീര ആക്ഷന്‍ രംഗങ്ങള്‍കൊണ്ട് സമ്പന്നമാണ് ചിത്രം. അക്കാലത്ത് ജപ്പാനിലെടുത്ത ഏറ്റവും ചെലവേറിയ ചിത്രമായിരുന്നു ഇത്. ഒരുവര്‍ഷത്തോളം എടുത്താണ് ചിത്രം പൂര്‍ത്തിയാക്കിയത്.

സെവന്‍ സാമുറായിയെ ആസ്പദമാക്കി നിരവധി സിനിമകളാണ് പില്‍ക്കാലത്ത് പിറവിയെടുത്തത്. ഒട്ടേറെ റീമേക്കുകളും വന്നു.

1960ല്‍ ജോണ്‍ സ്റ്റര്‍ജസ് സെവന്‍ സമുറായി ഹോളിവുഡിലേക്ക് റീമേക്ക് ചെയ്തു. ദി മാഗ്നിഫിഷ്യന്റ് സെവന്‍ എന്നാണ് പേര് നല്‍കിയത്.

കൂടാതെ സ്റ്റാര്‍ വാര്‍സ് മുതല്‍ എ ബഗ്‌സ് ലൈഫില്‍ വരെ സെവന്‍ സാമുറായുടെ സാന്നിധ്യമുണ്ടെന്നാണ് വിലയിരുത്തപ്പെടുന്നത്.