7000 മുത്തുകൾ, 600 മണിക്കൂർ പണി; ഐശ്വര്യ റായിയുടെ കാൻസ് ഗൗണിന് പിന്നിലെ വിസ്മയിപ്പിക്കുന്ന കഥ

കാൻസ് റെഡ് കാർപ്പറ്റിൽ ഐശ്വര്യ റായ് ബച്ചൻ എത്തുമ്പോൾ ശ്രദ്ധ മുഴുവൻ അവരിലേക്കാണ്. എന്നാൽ 2026ലെ കാൻസ് ഫിലിം ഫെസ്റ്റിവലിൽ ഐശ്വര്യ ധരിച്ച വെള്ള ഗൗണിന് പിന്നിലെ കരകൗശലത്തിന്റെ കഥ കൂടി പുറത്തുവരികയാണ്.

7000 മുത്തുകൾ പതിപ്പിച്ച ഈ കസ്റ്റം കോച്ചർ ഗൗൺ പൂർത്തിയാക്കാൻ ഏകദേശം 600 മണിക്കൂർ വേണ്ടിവന്നു എന്നാണ് റിപ്പോർട്ട്. മുമ്പ് പുറത്തുവരാത്ത ചിത്രങ്ങൾ സോഷ്യൽ മീഡിയയിൽ ശ്രദ്ധ നേടിയതോടെയാണ് വസ്ത്രത്തിന്റെ കൂടുതൽ വിശദാംശങ്ങൾ ചർച്ചയാകുന്നത്.

ഐശ്വര്യയുടെ ഈ വെള്ള ഗൗണിന്റെ പ്രധാന ആകർഷണം അതിൽ പതിപ്പിച്ചിരിക്കുന്ന ആയിരക്കണക്കിന് മുത്തുകളാണ്. ഗൗണിലെ ഓരോ വിശദാംശവും കൃത്യതയോടെ ഒരുക്കിയതിനാലാണ് ഇത്രയും സമയം വേണ്ടിവന്നത്.

റെഡ് കാർപ്പറ്റിൽ ഏതാനും നിമിഷങ്ങൾ മാത്രം കാണപ്പെടുന്ന വസ്ത്രത്തിന് പിന്നിൽ മാസങ്ങളോളം നീളുന്ന കരകൗശലപ്രക്രിയയാണുള്ളത്.

600 മണിക്കൂർ എന്നത് ഏകദേശം 25 ദിവസത്തിലേറെ തുടർച്ചയായ ജോലിയ്ക്ക് തുല്യമാണ്. അതായത്, ഒരു ദിവസം എട്ട് മണിക്കൂർ വീതം ജോലി ചെയ്താൽ 75 പ്രവൃത്തിദിവസത്തോളം വേണ്ടിവരുന്ന തരത്തിലുള്ള സൂക്ഷ്മമായ ജോലിയാണ് ഗൗണിന് വേണ്ടിവന്നത്

ടോണി വാർഡ് ക്യൂച്ചറാണ് ഐശ്വര്യയുടെ ഈ കസ്റ്റം ഗൗൺ ഒരുക്കിയത്. സിൽക്ക് പോലുള്ള ആഡംബര തുണിയും മുത്തുകളുടെ സമൃദ്ധമായ അലങ്കാരവുമാണ് ഗൗണിന്റെ പ്രധാന പ്രത്യേകത

വെള്ള നിറത്തിലുള്ള ഗൗണിൽ മുത്തുകളുടെ തിളക്കം കൂടിച്ചേർന്നതോടെ ഐശ്വര്യയുടെ കാൻസ് ലുക്ക് കൂടുതൽ ഗംഭീരമായി. ഫാഷൻ ഫോട്ടോഗ്രാഫർമാരുടെയും ആരാധകരുടെയും ശ്രദ്ധ പിടിച്ചുപറ്റിയതും ഈ ആഡംബര വിശദാംശങ്ങളാണ്.

2026ലെ കാൻസ് ഫെസ്റ്റിവലിൽ ഐശ്വര്യയുടെ മറ്റൊരു പ്രധാന ലുക്ക് ചെനി ചാൻ ക്യൂച്ചർ ഒരുക്കിയ വെള്ള പവർ സ്യൂട്ടായിരുന്നു.

സിൽവർ എംബെല്ലിഷ്മെന്റുകളുള്ള ബ്ലേസറും ഫെതർ ഡീറ്റെയിലിങ്ങുമായിരുന്നു അതിന്റെ പ്രത്യേകത.

2002ൽ ദേവദാസിന്റെ പ്രദർശനത്തോടനുബന്ധിച്ച് കാൻസ് റെഡ് കാർപ്പറ്റിൽ എത്തിയ ഐശ്വര്യ റായ് പിന്നീട് ഫെസ്റ്റിവലിന്റെ സ്ഥിരം ഇന്ത്യൻ മുഖങ്ങളിലൊന്നായി.

രണ്ട് പതിറ്റാണ്ടിലേറെയായി കാൻസിലെ അവരുടെ ഓരോ അവതരണവും ഫാഷൻ ലോകത്ത് ചർച്ചയാകാറുണ്ട്. 2026ലും അതിന് മാറ്റമുണ്ടായില്ല.