നിങ്ങൾ ബുദ്ധിശാലിയാണോ?

പരീക്ഷകളിൽ ഒന്നാം റാങ്ക് വാങ്ങുന്നതുകൊണ്ടോ വിജ്ഞാനകോശം അരച്ചുകലക്കി കുടിക്കുന്നതു കൊണ്ടോ ഒരാള്‍ ബുദ്ധിശാലിയാകണമെന്നില്ല. ബു​ദ്ധിശക്തി അല്ലെങ്കിൽ വിവേകശക്തിയുടെ ലക്ഷണങ്ങൾ സൂക്ഷമമായിരിക്കും.

അറിയാവുന്ന കാര്യങ്ങളും നേട്ടങ്ങളും പുറത്തു പ്രകടിപ്പിച്ചു നടക്കുന്നതല്ല, ലോകത്തെ എങ്ങനെ കാണുന്നുവെന്നും സമൂഹവുമായി എങ്ങനെ ഇടപഴകുന്നുവെന്നുമാണ് പ്രധാനം. നിങ്ങൾ ഒരു ബുദ്ധിശാലിയാണെന്ന് സൂചിപ്പിക്കുന്ന എട്ട് ലക്ഷണങ്ങൾ.

ആകാംക്ഷ

നിരന്തരം ചോദ്യങ്ങൾ ചോദിക്കുന്നത് ബുദ്ധിശാലികളുടെ ലക്ഷണമാണ്. ബുദ്ധിമാനായ ആളുകൾ സ്വാഭാവികമായും ജിജ്ഞാസുക്കളാണ്. അവർ ചുറ്റുമുള്ളവയെ മനസിലാക്കാൻ ശ്രമിക്കുന്നു. പ്രകടമാകുന്നതിനപ്പുറം അതിന്റെ മൂല്യത്തെയാണ് അവർ വിലമതിക്കുന്നത്.

ഏകാന്തത

കമ്പനികൂടാൻ ആരുമില്ലെങ്കിലും, ആ ഏകാന്തത ആസ്വദിക്കാൻ കഴിയുന്നത് ബുദ്ധിശാലികളുടെ ഒരു ലക്ഷണമാണ്. ഉയർന്ന ബുദ്ധിശക്തിയുള്ള ആളുകൾ പലപ്പോഴും സാമൂഹികമായി ഇടപഴകുന്നതിനേക്കാൾ ഒറ്റയ്ക്ക് സമയം ചെലവഴിക്കാൻ ഇഷ്ടപ്പെടുന്നുവെന്ന് ഗവേഷണങ്ങൾ പറയുന്നു. ഈ ഏകാന്തത അവരെ ആഴത്തിലുള്ള ചിന്തകൾക്കും കാര്യങ്ങൾ പ്ലാൻ ചെയ്യാനും സഹായിക്കുന്നു.

തുറന്ന മനസുള്ളവർ

ബുദ്ധിശക്തി എന്നത് വെറും അറിവല്ല, കാഴ്ചപ്പാട് കൂടിയാണ്. ബുദ്ധിമാനായ ആളുകൾ തുറന്ന മനസുള്ളവരും വ്യത്യസ്ത കാഴ്ചപ്പാടുകളും ആശയങ്ങളും പരിഗണിക്കാൻ തയ്യാറുള്ളവരുമാണ്. കാര്യങ്ങൾ വ്യത്യസ്ത കോണിലൂടെ ചിന്തിക്കാൻ ഇവർക്ക് കഴിയും.

സഹാനുഭൂതി

ബുദ്ധിശക്തി എന്നത് യുക്തിസഹമായ യുക്തിയും പ്രശ്നപരിഹാര കഴിവുകളും മാത്രമല്ല, മറ്റുള്ളവരുടെ വികാരങ്ങൾ മനസിലാക്കുകയും പങ്കിടുകയും ചെയ്യുക കൂടിയാണ്. മറ്റുള്ളവരുമായി ആഴത്തിലുള്ളതും അർത്ഥവത്തായതുമായ ബന്ധങ്ങൾ കെട്ടിപ്പടുക്കാനും ഇത് സഹായിക്കുന്നു.

തെറ്റുകളിൽ നിന്ന് പഠിക്കുക

തെറ്റുകൾ മനുഷ്യസഹജമാണ്, എന്നാൽ അതിനോട് എങ്ങനെ പ്രതികരിക്കുന്നുവെന്നതാണ് പ്രധാനം. തെറ്റുകളെ അവഗണിക്കുകയോ നിഷേധിക്കുകയോ ചെയ്യുന്നതിനു പകരം, അവയിൽ നിന്ന് പഠിക്കാനുള്ള സന്നദ്ധത ബുദ്ധിശക്തിയുടെ ലക്ഷണമാണ്.

നർമബോധം

നല്ല നർമബോധം ഉണ്ടായിരിക്കുക എന്നത് ബുദ്ധിശക്തിയുടെ മറ്റൊരു ലക്ഷണമാണ്. നർമത്തെ ആസ്വദിക്കാനും പറയാനും മാനസിക ചടുലത പ്രധാനമാണ്. സങ്കീർണമായ സാമൂഹിക സാഹചര്യങ്ങൾ മനസ്സിലാക്കുക, പൊരുത്തക്കേടുകൾ തിരിച്ചറിയുക, വിവേകപൂർവം കാര്യങ്ങൾ കൈകാര്യം ചെയ്യുക എന്നിയാണ് നർമം. സമയം, അവതരണം, ആശയങ്ങളെ നർമബോധത്തോടെ ബന്ധിപ്പിക്കാൻ ബുദ്ധിപരമായ കഴിവു വേണം.

സ്വയം അവബോധം

ബുദ്ധിശക്തി ആത്മബോധവുമായി ആഴത്തിൽ ബന്ധപ്പെട്ടിരിക്കുന്നു. നമ്മുടെ ബലവും ബലഹീനതകളും വികാരങ്ങളും പ്രചോദനങ്ങളെ കുറിച്ചും ബോധവാന്മാരായിരിക്കുക എന്നത് ബുദ്ധിപരമായ മനസിന്റെ വ്യക്തമായ ലക്ഷണമാണ്.