സമകാലിക മലയാളം ഡെസ്ക്
ഇന്ത്യയുടെ പൗരാണിക ചരിത്രമെടുത്താല്‍ മുഗളന്‍മാരുടെ കാലത്ത് ഔറംഗസേബിന്റെ ഭരണത്തിനെതിരെ, നയങ്ങള്‍ക്കെതിരെ പൊരുതി നിന്ന നിരവധി രാജാക്കന്‍മാരെ കാണാം.
ദുര്‍ഗാദാസ് റാത്തോഡ്: ഔറംഗസേബിന്റെ നയങ്ങളേയും പ്രവര്‍ത്തനങ്ങളേയും ശക്തമായി എതിര്‍ത്ത മാര്‍വാറിലെ രജപുത്ര ജനറല്‍. മാര്‍വാറിനെ കൂട്ടിച്ചേര്‍ക്കല്‍, രാജകുമാരന്‍ അജിത് സിങിനെ ഇസ്ലാമിലേക്ക് പരിവര്‍ത്തനം ചെയ്യാനുള്ള ശ്രമങ്ങള്‍ എന്നിവ എതിര്‍ത്തു. കലാപം നയിച്ചു.
രാജാ റാം: മറാഠ സാമ്രാജ്യത്തിലെ മൂന്നാമത്തെ ഛത്രപതി. ഔറംഗസേബ് ഭരണത്തെ അടിമുടി എതിര്‍ത്തു. മുഗള്‍ ചക്രവര്‍ത്തിക്കെതിരെ മറാഠ പ്രതിരോധത്തിനു നേതൃത്വം നല്‍കി.
മഹാറാണ രാജ് സിങ്: മേവാറിലെ മഹാറാണ രാജ് സിങ് ഒന്നാമനും ഔറംഗസേബിനെതിരെ പൊരുതി നിന്നു. ജെസിയ നികുതി ചുമത്തല്‍, ക്ഷേത്രങ്ങള്‍ നശിപ്പിക്കല്‍, മാര്‍വറിലെ പിന്തുടര്‍ച്ചാ അവകാശത്തിലെ ഇടപെടല്‍ എതിര്‍ത്തു.
രാജ ഗോപാല്‍ സിങ്: ബല്ലഭാഗിലെ രാജ ഗോപാല്‍ സിങും കടുത്ത എതിര്‍പ്പുമായി നിലകൊണ്ടു. 1705ല്‍ ബല്ലഭാഗില്‍ നാട്ടുരാജ്യം സ്ഥാപിച്ചു. ഔറംഗസേബ് ഭരണകാലത്ത് ഡല്‍ഹി- ആഗ്ര പാതയില്‍ ആക്രമണങ്ങള്‍ സംഘടിപ്പിച്ചു.
ഛത്രസാല്‍ ബുന്ദേല: ഔറംഗസേബ് ഭരണത്തിനെതിരെ കലാപം നയിച്ചു. ബുന്ദേല്‍ഖണ്ഡില്‍ ഔറംഗസേബ് സൈനത്തിനെതിരെ നിരവധി പോരാട്ടങ്ങള്‍.
രാജാ പ്രാണ്‍ നാരായണ്‍: മുഗള്‍ പിന്തുടര്‍ച്ചയുമായി ബന്ധപ്പെട്ട് ഔറംഗസേബ്, സഹോദരന്‍മാരുമായി പോരാടുമ്പോള്‍ കൂച്ച്‌ബെഹാറിലെ രാജാ പ്രാണ്‍ നാരായണ്‍ തന്റെ രാജ്യം വികസിപ്പിക്കാനുള്ള ശ്രമത്തിലായിരുന്നു. ധാക്ക പിടിച്ചെടുക്കുകയും ചെയ്തു.
രഘുനാഥ് ഷാ: ഛത്തീസ്ഗഢിലെ ഭരണാധികാരി. മുഗളര്‍ക്ക് കപ്പം കൊടുക്കാന്‍ സമ്മതിച്ചെങ്കിലും ഔറംഗസേബിന്റെ അധിനിവേശത്തെ എതിര്‍ത്തു നിന്നു.
ഷാഹുജി ബോണ്‍സ്‌ലെ: ഛത്രപതി ശിവാജിയുടെ ചെറുമകന്‍. മുഗളന്‍മാരുടെ തടവിലായിരുന്നു. മോചിതനായി ഔറംഗസേബിനെ എതിര്‍ത്തു. മറാഠ സാമ്രാജ്യത്തിനായി അമ്മായി താരാബായിയെയും വെല്ലുവിളിച്ചു.
രാജ മേദിനി റായ്: പലാമുവിലെ ചെറോ ഭരണാധികാരി. ഔറംഗസേബിനെ എതിര്‍ത്തു. ദൗദ് ഖാന്റെ നേതൃത്വത്തിലുള്ള മുഗള്‍ ഭരണം പലാമുവില്‍ ഇടയ്ക്ക് വന്നെങ്കിലും അതിനെ എതിര്‍ത്തു അധികാരം തിരികെ പിടിച്ചു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates