ഒരു നനഞ്ഞ തുണി മതി, സിലിണ്ടറിൽ ഗ്യാസ് ബാക്കി എത്രയുണ്ടെന്ന് അറിയാം

വിറക് അടുപ്പുകൾക്ക് പകരം ഇന്ന് അടുക്കള ഭരിക്കുന്നത് ഗ്യാസ് അടുപ്പായതിനാൽ പെട്ടന്ന് തന്നെ വാങ്ങുന്ന സിലിണ്ടർ കാലിയാകുന്നു.

നമ്മൾ പുതിയ സിലിണ്ടർ വാങ്ങുന്നതിന് മുൻപ് പഴയ സിലിണ്ടർ പൂർണമായും തീർന്നോയെന്ന് ഉറപ്പാകേണ്ടതാണ്.

എന്നാൽ പലർക്കും അവ പരിശോധിക്കാൻ അറിയില്ല. അതിനാൽ ഗ്യാസ് തീരുന്നതിന് മുൻപ് തന്നെ പുതിയ സിലിണ്ടർ ബുക്ക് ചെയ്യുന്നു.

സിലിണ്ടറിൽ ഗ്യാസ് ബാക്കിയുണ്ടോ എന്ന് കണ്ടുപിടിക്കാൻ ഒരു പൊടിക്കെെ നോക്കിയാലോ?

ഒരു നനഞ്ഞ ടവ്വല്‍ ഉപയോഗിച്ച് ഇത് പരിശോധിക്കാന്‍ സാധിക്കും.

ഒരു നനഞ്ഞ ടവ്വല്‍ കൊണ്ട് സിലിണ്ടര്‍ പൊതിയുക.

കുറച്ച് സമയം കഴിയമ്പോള്‍ ഗ്യാസ് സിലിണ്ടറിന്റെ ഉപരിതലം നനഞ്ഞിരിക്കും. അപ്പോള്‍ ടവ്വല്‍ നീക്കം ചെയ്യാം.

ഇനി ഗ്യാസ് സിലിണ്ടറിന്റെ എത്രഭാഗം നനഞ്ഞിട്ടുണ്ടെന്നും എത്രത്തോളം ഭാഗം ഉണങ്ങിയിരിപ്പുണ്ടെന്നും കണക്കാക്കി ഗ്യാസിന്റെ അളവ് കണക്കാക്കാം.

അതായത് നനഞ്ഞ ഭാഗം വാതകമുണ്ടെന്നും വെളളം വറ്റി ഉണങ്ങുന്ന ഭാഗം വാതകമില്ലെന്നും സൂചിപ്പിക്കുന്നു.