മധുരം കഴിക്കാനുമുണ്ട് സമയവും കാലവും

മധുരം ഇഷ്ടമില്ലാത്തവർ വളരെ കുറവാണ്.

മധുരം എത്ര കഴിക്കുന്നു എന്നതിനൊപ്പം എപ്പോൾ കഴിക്കുന്നു എന്നതും ആരോഗ്യത്തെ സ്വാധീനിക്കുന്ന കാര്യമാണ്.

ശരിയായ സമയത്ത് മിതമായ അളവിൽ മധുരം കഴിച്ചാൽ രക്തത്തിലെ പഞ്ചസാരയുടെ അളവിലുള്ള മാറ്റങ്ങൾ കുറയ്ക്കാനും അമിതമായി കഴിക്കുന്ന ശീലം നിയന്ത്രിക്കാനും സഹായിക്കും.

ഒഴിഞ്ഞ വയറിലോ വിശക്കുമ്പോഴോ അല്ല ഭക്ഷണത്തിന് ശേഷമാണ് മധുര പലഹാരങ്ങള്‍ കഴിക്കേണ്ടതെന്ന് ആരോഗ്യ വിദഗ്ധര്‍ പറയുന്നു.

നേരിട്ട് ഒഴിഞ്ഞ വയറ്റില്‍ മധുരപലഹാരങ്ങള്‍ കഴിക്കുമ്പോള്‍ രക്തത്തിലെ പഞ്ചസാരയുടെ അളവ് പെട്ടെന്ന് ഉയരുകയും പിന്നീട് പെട്ടെന്ന് കുറയുകയും ചെയ്യുന്നു.

എങ്കിലും പച്ചക്കറികള്‍, പയര്‍വര്‍ഗ്ഗങ്ങള്‍, ബ്രെഡ് തുടങ്ങിയ ഭക്ഷണങ്ങള്‍ കഴിച്ച ശേഷം മധുരപലഹാരങ്ങള്‍ കഴിക്കുകയാണെങ്കില്‍ ശരീരത്തില്‍ ഇതിനകം അടങ്ങിയിരിക്കുന്ന പ്രോട്ടീന്‍, നാരുകള്‍, മറ്റ് പോഷകങ്ങള്‍ എന്നിവ പഞ്ചസാര കൂടുതല്‍ സാവധാനത്തില്‍ ആഗിരണം ചെയ്യാന്‍ സഹായിക്കുന്നു.

അങ്ങനെ രക്തത്തിലെ പഞ്ചസാരയുടെ അളവ് ഒരുപോലെ നിലനിര്‍ത്താന്‍ സഹായിക്കുന്നു.

അത്താഴത്തിന് ശേഷം മധുര പലഹാരങ്ങള്‍ കഴിക്കുന്നത് ശരീരത്തിന് ഏറെ ദോഷം ചെയ്യുമെന്ന് ശാസ്ത്രീയ ഗവേഷണങ്ങള്‍ സൂചിപ്പിക്കുന്നു.

അത്താഴത്തിന് ശേഷം മധുരപലഹാരങ്ങള്‍ കഴിക്കുന്നത് രക്തത്തിലെ പഞ്ചസാരയുടെ അളവ് വഷളാക്കുമെന്നും ഇതിന്റെ ഫലം പിറ്റേന്ന് രാവിലെ വരെ നിലനില്‍ക്കുമെന്നും ഗവേഷണങ്ങള്‍ സൂചിപ്പിക്കുന്നു.