ഊഷ്മളമായ ഒരു പുഞ്ചിരിയാണ് ദയയുടെ സാർവത്രിക ഭാഷ: വില്യം ആർതർ വാർഡ്

“സ്നേഹം നിറഞ്ഞ ഒരു പുഞ്ചിരി ദയയുടെ സാർവത്രിക ഭാഷയാണ്” എന്നാണ് വില്യം ആർതർ വാർഡ് പറയുന്നത്. ഭാഷയും ദേശവും സംസ്കാരവും വ്യത്യസ്തമായാലും ആത്മാർത്ഥമായ ഒരു പുഞ്ചിരിയിൽ എല്ലാവർക്കും മനസ്സിലാകുന്ന സന്ദേശമുണ്ട്.

ഒരാളുടെ ഭാഷ നമുക്ക് അറിയാത്തപ്പോഴും ഒരു പുഞ്ചിരിയിലൂടെ സൗഹൃദവും സ്നേഹവും ബഹുമാനവും പ്രകടിപ്പിക്കാൻ കഴിയും. അതുകൊണ്ടാണ് പുഞ്ചിരിയെ “വിശ്വ ഭാഷയെന്ന്” ( universal language) വിശേഷിപ്പിക്കുന്നത്.

വിഷമിച്ചിരിക്കുന്ന ഒരാൾക്ക് നമ്മൾ നൽകുന്ന ആത്മാർത്ഥമായ ഒരു പുഞ്ചിരി പോലും “നിങ്ങൾ ഒറ്റയ്ക്കല്ല” എന്നൊരു സന്ദേശം നൽകാം. ചിലപ്പോൾ വാക്കുകൾക്ക് നൽകാൻ കഴിയാത്ത ആശ്വാസം ഒരു പുഞ്ചിരിക്ക് നൽകാൻ കഴിയും.

ഓഫീസിലെ സഹപ്രവർത്തകരോട്, കടയിലെ ജീവനക്കാരോട്, ബസ് ഡ്രൈവറോട്, അയൽക്കാരോട് തുടങ്ങി നമ്മൾ ദിവസവും കാണുന്ന ആളുകളോട് ആത്മാർത്ഥമായി പുഞ്ചിരിക്കുക എന്നത് വളരെ ചെറിയ കാര്യമാണ്. പക്ഷേ അത് ഒരു നല്ല അന്തരീക്ഷം സൃഷ്ടിക്കും.

ആത്മാർത്ഥമായ പുഞ്ചിരി മറ്റുള്ളവരോട് നമുക്ക് താൽപര്യവും സൗഹൃദവും ഉണ്ടെന്ന് പ്രകടിപ്പിക്കുന്നു. കുടുംബബന്ധങ്ങളിലും സൗഹൃദങ്ങളിലും ജോലിസ്ഥലത്തുമെല്ലാം ഇത് കൂടുതൽ ഊഷ്മളമായ ബന്ധങ്ങൾ സൃഷ്ടിക്കാൻ സഹായിക്കും.

അമേരിക്കൻ എഴുത്തുകാരനും പ്രചോദനാത്മക ചിന്തകളുടെ രചയിതാവുമായിരുന്നു വില്യം ആർതർ വാർഡ്. ജീവിതം, സ്വഭാവം, പ്രചോദനം, മനുഷ്യബന്ധങ്ങൾ തുടങ്ങിയ വിഷയങ്ങളെക്കുറിച്ചുള്ള അദ്ദേഹത്തിന്റെ ചിന്തകളും ഉദ്ധരണികളും ഏറെ പ്രസിദ്ധമാണ്.

നന്മ പ്രകടിപ്പിക്കാൻ എപ്പോഴും വലിയ വാക്കുകളോ വലിയ പ്രവൃത്തികളോ ആവശ്യമില്ല. ആത്മാർത്ഥമായ ഒരു പുഞ്ചിരി പോലും മറ്റൊരാളുടെ മനസ്സിൽ സന്തോഷവും ആശ്വാസവും സൃഷ്ടിക്കും.