ആതിര അഗസ്റ്റിന്‍
7 വയസ് പൂര്‍ത്തിയായ കുട്ടികളുടെ ആധാര്‍ കാര്‍ഡുകള്‍ക്ക് മാന്‍ഡേറ്ററി ബയോമെട്രിക് അപ്‌ഡേറ്റ് പൂര്‍ത്തിയാക്കണമെന്ന് രക്ഷിതാക്കളോട് ആവര്‍ത്തിച്ച് ആവശ്യപ്പെട്ടിരിക്കുകയാണ്
ഇത് പൂര്‍ത്തിയാക്കിയില്ലെങ്കില്‍ കുട്ടികളുടെ ആധാര്‍ കാര്‍ഡുകള്‍ പ്രവര്‍ത്തനരഹിതമാകുമെന്നാണ് മുന്നറിയിപ്പ്.
നിലവിലുള്ള നിയമപ്രകാരം 5 വയസ് പൂര്‍ത്തിയാകുമ്പോള്‍ കുട്ടികള്‍ ബയോമെട്രിക് വിവരങ്ങള്‍ പുതുക്കേണ്ടതുണ്ട്.
നിരവധി കുട്ടികളുടെ ബയോമെട്രിക് വിവരങ്ങള്‍ ഇപ്പോഴും പുതുക്കിയിട്ടില്ലെന്ന് യുഐഡിഎഐ കണ്ടെത്തിയതിനെത്തുടര്‍ന്നാണ് പുതിയ മുന്നറിയിപ്പ്
15 വയസ് പൂര്‍ത്തിയാകുമ്പോഴും ഈ വിവരങ്ങള്‍ പുതുക്കേണ്ടതാണ്.
കാലക്രമേണ കുട്ടികളുടെ ബയോമെട്രിക് വിവരങ്ങളില്‍ മാറ്റങ്ങള്‍ വരാന്‍ സാധ്യതയുള്ളതുകൊണ്ടാണ് ഈ അപ്‌ഡേറ്റ് നിര്‍ബന്ധമാക്കുന്നത്.
അഞ്ച് വയസിനും ഏഴ് വയസിനും ഇടയില്‍ ബയോമെട്രിക് അപ്‌ഡേറ്റ് ചെയ്യുന്നതിന് ഫീസ് ഈടാക്കില്ല. എന്നാല്‍ ഏഴ് വയസ് കഴിഞ്ഞാണ് അപ്‌ഡേറ്റ് ചെയ്യുന്നതെങ്കില്‍ 100 രൂപ ഫീസായി നല്‍കേണ്ടി വരും.
അംഗീകൃത ആധാര്‍ എന്റോള്‍മെന്റ് കേന്ദ്രം സന്ദര്‍ശിച്ച് uidai.gov.in വെബ്‌സൈറ്റില്‍ അപ്പോയിന്റ്‌മെന്റ് ബുക്ക് ചെയ്ത് അപ്‌ഡേറ്റ് പൂര്‍ത്തിയാക്കുക.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates