ഹിറ്റ് അടിക്കാൻ മാളവിക; വരാൻ പോകുന്നത് പ്രഭാസിനൊപ്പമുള്ള ബി​ഗ് ബജറ്റ് ചിത്രം വരെ

പിറന്നാൾ

ഞായറാഴ്ചയായിരുന്നു നടി മാളവിക മോഹനന്റെ പിറന്നാൾ. ആരാധകരും സഹപ്രവർത്തകരുമടക്കം നിരവധി പേരാണ് താരത്തിന് പിറന്നാൾ ആശംസകൾ നേർന്നത്.

പട്ടം പോലെ

പട്ടം പോലെ എന്ന ചിത്രത്തിലൂടെ ദുൽഖറിന്റെ നായികയായിട്ടായിരുന്നു മാളവികയുടെ സിനിമ അരങ്ങേറ്റം.

ക്രിസ്റ്റി

മലയാളത്തിൽ ക്രിസ്റ്റി ആയിരുന്നു മാളവികയുടേതായി ഒടുവിലെത്തിയ ചിത്രം.

മുൻ നിര നായകൻമാർക്കൊപ്പം

രജിനികാന്ത്, വിജയ്, ധനുഷ്, വിക്രം, പ്രഭാസ് തുടങ്ങിയ മുൻനിര നായകൻമാർക്കൊപ്പമെല്ലാം മാളവിക ഇതിനോടകം സ്ക്രീൻ പങ്കിട്ടു കഴിഞ്ഞു.

വലിയ സിനിമകൾ

ബി​ഗ് ബജറ്റ് അടക്കം നിരവധി സിനിമകളാണ് മാളവികയുടേതായി ലൈൻ അപ്പിലുള്ളത്. താരത്തിന്റെ അണിയറയിൽ ഒരുങ്ങുന്ന ചിത്രങ്ങളിലൂടെ കടന്നു പോകാം.

തങ്കലാൻ

പാ രഞ്ജിത് വിക്രം കൂട്ടുകെട്ടിലെത്തുന്ന തങ്കലാൻ ആണ് മാളവികയുടേതായി റിലീസിന് തയ്യാറെടുക്കുന്ന ചിത്രം. ഈ മാസം 15 നാണ് ചിത്രം തിയറ്ററുകളിലെത്തുക. ആരതി എന്ന കഥാപാത്രമായാണ് താരമെത്തുന്നത്.

രാജാ സാബ്

പ്രഭാസിന്റെ നായികയായാണ് ചിത്രത്തിൽ മാളവികയെത്തുക. മാരുതി സംവിധാനം ചെയ്യുന്ന ചിത്രം അടുത്ത വർഷം ഏപ്രിൽ 10നാണ് റിലീസ് ചെയ്യുക.

യുദ്ര

സിദ്ധാന്ത് ചതുർവേദി നായകനാകുന്ന ചിത്രം രവി ഉദയവർ ആണ് സംവിധാനം ചെയ്യുന്നത്. ആക്ഷൻ ത്രില്ലർ ചിത്രത്തിന്റെ റിലീസ് പ്രഖ്യാപിച്ചിട്ടില്ല.

സർദാർ 2

കാർത്തിയുടെ നായികയായാണ് ചിത്രത്തിൽ മാളവികയെത്തുന്നത്. കഴിഞ്ഞ ദിവസം ഷൂട്ടിങിന് മാളവിക ജോയിൻ ചെയ്ത വിവരം അണിയറപ്രവർത്തകർ പുറത്തുവിട്ടിരുന്നു.