'ഗണപതി എപ്പോഴും എന്റെ കൂടെയുണ്ട്'; ​ഗണേഷ് ചതുർഥി ആഘോഷിച്ച് നിക്കി

വിനായക ചതുർഥി ആഘോഷത്തിന്റെ സന്തോഷത്തിലാണ് തെന്നിന്ത്യൻ നടി നിക്കി ​ഗൽറാണിയും ഭർത്താവ് ആദി പിനിഷെട്ടിയും.

​ഗണേഷ് ചതുർഥി ആഘോഷ ചിത്രങ്ങൾ നടി തന്നെയാണ് ഇൻസ്റ്റ​ഗ്രാമിലൂടെ പങ്കുവച്ചത്.

ചുവപ്പ് നിറത്തിലെ പട്ടുസാരിയിലാണ് നിക്കിയെ ചിത്രങ്ങളിൽ കാണാൻ കഴിയുക.

​ഹൈദരാബാദ് ടൈംസിനോട് ഗണേഷ് ചതുർഥി ഓർമകളും നിക്കി പങ്കുവച്ചിരുന്നു. നടിയുടെ വാക്കുകൾ ആരാധകർക്കിടയിൽ ശ്രദ്ധേയമാകുകയാണിപ്പോൾ.

'കുട്ടിക്കാലത്ത് ഞങ്ങൾ പണം സ്വരൂപിച്ച് ഘോഷയാത്രയൊക്കെ സംഘടിപ്പിക്കും, പ്രസാദം വിതരണം ചെയ്യും. ആ ഓർമകൾ ഒരിക്കലും മറക്കാനാവാത്തതാണ്'.- നിക്കി പറഞ്ഞു.

'ഒരു അവധിക്കാലം പോലെയാണ് ​ഗണേശ ചതുർഥി എനിക്ക് തോന്നുന്നത്. വീട്ടിലെ അന്തരീക്ഷമാകെ മാറും, ബന്ധുക്കളും സുഹൃത്തുക്കളുമൊക്കെ വരും'.- നിക്കി കൂട്ടിച്ചേർത്തു.

'ഗണപതി എപ്പോഴും എന്റെ കൂടെയുണ്ടെന്ന് എനിക്കറിയാം. പക്ഷേ ഇങ്ങനെ പോകുന്നത് എനിക്കിഷ്ടമല്ല. എനിക്കേറ്റവും കൂടുതൽ അടുപ്പമുള്ള ദൈവവും ​ഗണപതിയാണ്'. - നിക്കി വ്യക്തമാക്കി.

കഴിഞ്ഞ ദിവസം വരലക്ഷ്മി പൂജയുടെ ചിത്രങ്ങളും നിക്കി പങ്കുവച്ചിരുന്നു.