'എപ്പോഴും എന്റെ ഭാവനയ്ക്ക് അപ്പുറം'; കാനിൽ തിളങ്ങി അദിതി

തെന്നിന്ത്യയിലും ബോളിവുഡിലും ഒരുപോലെ തിളങ്ങി നിൽക്കുന്ന നടിമാരിലൊരാളാണ് അദിതി റാവു ഹൈദരി.

അഭിനയത്തിലെന്നപോലെ ഫാഷൻ വേദികളിലും വളരെ സജീവമാണ് അദിതി.

78-ാമത് കാൻ ഫിലിം ഫെസ്റ്റിവൽ റെഡ് കാർപറ്റിലെ അദിതിയുടെ ലുക്കാണിപ്പോൾ സോഷ്യൽ മീ‍ഡിയയുടെ മനം കവരുന്നത്.

രണ്ട് ലുക്കിലാണ് കാനിൽ അദിതി തിളങ്ങിയത്.

ഇന്ത്യൻ ലുക്കിലും മോഡേൺ ലുക്കിലുമാണ് അദിതി കാനിലെ കാണികളുടെ ഹൃദയം കീഴടക്കിയത്.

ചുവപ്പ് നിറത്തിലെ സിൽക്ക് സാരിയിൽ അതിമനോഹരിയായിരുന്നു നടി. നെറുകയിൽ സിന്ദൂരവും ചാർത്തിയിരുന്നു അദിതി.

എപ്പോഴും തന്റെ ഭാവനയ്ക്ക് അപ്പുറമാണ് കാൻ വേദി എന്നാണ് അദിതി ചിത്രങ്ങൾക്കൊപ്പം കുറിച്ചിരിക്കുന്നത്.

അഭിനയത്തിന് പുറമേ മോഡലിങ് രം​ഗത്തും വളരെ സജീവമാണിപ്പോൾ അദിതി.