സമകാലിക മലയാളം ഡെസ്ക്
ജനുവരി-മാര്‍ച്ച് പാദത്തില്‍ 8,000 മുതല്‍ 13,000 രൂപ വരെ വിലയുള്ള ഫൈവ്ജി സ്മാര്‍ട്ട്ഫോണുകളുടെ വില്‍പ്പനയില്‍ 100 ശതമാനത്തിലധികം വളര്‍ച്ച
മുന്‍വര്‍ഷത്തെ സമാന കാലയളവിനെ അപേക്ഷിച്ച് വളര്‍ച്ചയില്‍ ഉണ്ടായ വര്‍ധന, വര്‍ധിച്ചുവരുന്ന ഡിമാന്‍ഡിനെ പ്രതിഫലിക്കുന്നതായി സൈബര്‍ മീഡിയ റിസര്‍ച്ച് റിപ്പോര്‍ട്ട് വ്യക്തമാക്കുന്നു
ഫൈവ്ജി സ്മാര്ട്ട്ഫോണ് വിപണിയില്‍ 21 ശതമാനം വിപണി വിഹിതവുമായി വിവോയാണ് മുന്നില്‍. 19 ശതമാനം വിപണി വിഹിതവുമായി സാംസങ് ആണ് തൊട്ടുപിന്നില്‍.
പ്രീമിയം സ്മാർട്ട്ഫോണുകളുടെ ആവശ്യകതയിലും വർധന ഉണ്ട്. ഫൈവ് ജി അധിഷ്ഠിതവും എഐ ഫീച്ചറുകളും ഉള്ളതാണ് ഇവയുടെ ഡിമാന്‍ഡ് വര്‍ധിക്കാന്‍ കാരണം.
10,000 രൂപയും അതില്‍ താഴെയുമുള്ള ഫൈവ് ജി സ്മാര്ട്ട്ഫോണ് വിഭാഗത്തിന്റെ വില്‍പ്പന 2025 ലെ ആദ്യ പാദത്തില്‍ 500 ശതമാനത്തിലധികം വാര്‍ഷിക വളര്‍ച്ചയാണ് കൈവരിച്ചത്.
താങ്ങാവുന്ന വിലയിലുള്ള ഫൈവ്ജി സ്മാര്‍ട്ട്ഫോണുകളോടുള്ള ഡിമാന്‍ഡ് ആണ് കണക്കുകള്‍ കാണിക്കുന്നത്.
ഷവോമി, പോകോ, മോട്ടോറോള, റിയല്‍മി തുടങ്ങിയ ബ്രാന്‍ഡുകളാണ് ഈ കുതിച്ചുചാട്ടത്തിന് നേതൃത്വം നല്‍കുന്നത്
പ്രീമിയം സ്മാര്ട്ട്ഫോണ് വിപണിയില്‍ ആപ്പിളാണ് തിളങ്ങുന്നത്. ഇന്ത്യയില്‍ ആപ്പിളിന് എട്ടു ശതമാനം വിപണി വിഹിതമാണ് ഉള്ളത്.ഐഫോണ്‍ 16e ഉള്‍പ്പെടെയുള്ള ഐഫോണ്‍ 16 സീരീസ് ഈ വളര്‍ച്ചയ്ക്ക് ഗണ്യമായ സംഭാവന നല്‍കി.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates