മുഖത്തെ ചുളിവുകളാണോ പ്രശ്നം? കടലമാവ് കൊണ്ടുള്ള കിടിലൻ ഫേസ് പാക്കുകൾ ഇതാ

ചർമ്മത്തെ സംരക്ഷിക്കാൻ ഏറ്റവും മികച്ചതാണ് കടലമാവ്.

കടലമാവിൽ പ്രോട്ടീൻ, നാരുകൾ, ചർമ്മത്തിന് ഗുണം ചെയ്യുന്ന അവശ്യ പോഷകങ്ങൾ എന്നിവ അടങ്ങിയിരിക്കുന്നു.

മുഖത്തെ ചുളിവുകൾ അകറ്റുന്നതിന് വീട്ടിൽ തന്നെ പരീക്ഷിക്കാവുന്ന കടലമാവ് കൊണ്ടുള്ള ഫേസ് പാക്കുകൾ നോക്കാം.

രണ്ട് സ്പൂൺ കടലമാവ് പൊടിയും അൽപം റോസ് വാട്ടറും യോജിപ്പിച്ച് പാക്ക് ഉണ്ടാക്കുക. ശേഷം ഈ പാക്ക് മുഖത്തും കഴുത്തിലുമായി ഇടുക. ആഴ്ചയിൽ രണ്ടോ മൂന്നോ തവണ ഈ പാക്ക് ഇടാവുന്നതാണ്.

രണ്ട് സ്പൂൺ കടലമാവ് പൊടിയും ഒരു സ്പൂൺ മഞ്ഞളും രണ്ട് സ്പൂൺ പാലും യോജിപ്പിച്ച് പാക്ക് ഉണ്ടാക്കുക. ശേഷം ഈ പാക്ക് മുഖത്തിടുക.

രണ്ട് ടേബിൾ സ്പൂൺ കടലമാവിലേക്ക് അൽപം ചെറുനാരങ്ങാനീരും ഒരു ടേബിൾ സ്പൂൺ പാൽപ്പാടയും ചേർക്കണം. ഇനിയിത് പേസ്റ്റ് പരുവത്തിൽ യോജിപ്പെടുത്ത ശേഷം മുഖത്തും കഴുത്തിലും ചെവിയിലുമായി ഇടാം. 15-30 മിനുറ്റിന് ശേഷം വെറുതെ വെള്ളത്തിൽ കഴുകിയെടുക്കാം.

രണ്ട് ടേബിൾസ്പൂൺ കടലമാവിലേക്ക് 1-2 ടീസ്പൂൺ തൈര് കൂടി ചേർത്ത് നന്നായി യോജിപ്പിച്ചാൽ ഫേസ് പാക്ക് റെഡി. ഇത് മുഖത്തിട്ട് 15 മിനുറ്റ് വച്ച ശേഷം കഴുകിക്കളയാവുന്നതാണ്.